فوتو: ساۋدا جانە ينتەگراتسيا مينيسترلىگى ءباسپاسوز قىزمەتى
جىل باسىنان «ساۋدا قىزمەتىن رەتتەۋ تۋرالى» زاڭىنىڭ 9-بابىنىڭ 1-تارماعىن بۇزعانى ءۇشىن 226 ساۋدا سۋبەكتىسى قر «اكىمشىلىك قۇقىق بۇزۋشىلىق تۋرالى» كودەكسىنىڭ 204-4-بابى بويىنشا الەۋمەتتىك ماڭىزى بار ازىق-ت ۇلىك تاۋارلارىنا 15% ساۋدا ۇستەمەسىنىڭ شەكتى مولشەرىن اسىرعانى ءۇشىن اكىمشىلىك جاۋاپكەرشىلىككە تارتىلدى. ونىڭ 195-ءى ەسكەرتۋ بولسا, 31 كاسىپكەرلىك سۋبەكتىسىنە جالپى سوماسى 572 200 تەڭگەگە ايىپپۇل سالىندى.
مەملەكەتتىك باقىلاۋ شارالارىنىڭ نەگىزىندە دەپارتامەنت الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن 5%-دان 30%-عا دەيىن تومەندەتتى. سونداي-اق دەپارتامەنت الەۋمەتتىك ماڭىزى بار ازىق-ت ۇلىك تاۋارلارىنا ساۋدا ۇستەمەسىنىڭ زاڭنامادا بەلگىلەنگەن مولشەردەن اسىرماۋ بويىنشا جۇمىستى جالعاستىرىپ جاتىر.
وڭىردەگى 15 ساۋدا سۋبەكتىسىنە تاۋاردىڭ ساتۋ قۇنى ۆيترينادا كورسەتىلگەن باعامەن سايكەس كەلمەگەنى جانە تاۋارلاردى باعا جاپسىرماسىمەن راسىمدەمەگەنى ءۇشىن جالپى سوماسى 173 500 تەڭگە ايىپپۇل سالىندى. ودان بولەك وڭىردەگى كاسىپكەرلىك نىساندار ۆيترينادا باعا بەلگىلەرىن ورناتپاعانى ءۇشىن اكىمشىلىك جاۋاپكەرشىلىككە تارتىلدى.
ماسەلەن جەزقازعان قالاسىنداعى دۇكەندەردىڭ بىرىندە ۆيتريناداعى تاۋاردىڭ باعاسى 500 تەڭگە دەپ كورسەتىلگەن, الايدا ساتۋ كەزىندە كورسەتىلگەننەن جوعارى باعا قولدانىپ, 580 تەڭگەگە ساتىلعان. دەپارتامەنت ماماندارى اتالعان دۇكەندەرگە تەكسەرىس جۇرگىزىپ, ايىپپۇل تۇرىندە اكىمشىلىك جاۋاپكەرشىلىككە تارتتى.
