فوتو: اشىق دەرەككوز
ۆەدومستۆو مالىمەتىنشە, ولار وزدەرىن قازاقستاندا رەسمي تىركەلگەن حالىقارالىق ينۆەستيتسيالىق كومپانيا وكىلدەرى رەتىندە تانىستىرىپ, اقتوبەدە پرەزەنتاتسيالار وتكىزگەن.
«جيىنداردا كۇدىكتىلەر قارجىلىق ينۆەستيتسيالار, ءتيىمدى پايىزبەن نەسيە راسىمدەۋ, الەمنىڭ كەز-كەلگەن جەرىنەن پاتەر جانە جاڭا كولىك ساتىپ الۋ جايلى اقپاراتتارمەن ازاماتتاردى قىزىقتىرعان. وسى ارقىلى جاڭا سالىمشىلاردى تارتىپ, ولارعا اي سايىن اقشا سالىپ ودان سىياقى الاتىنىنا سەندىرگەن», دەلىنگەن حابارلامادا.
ناتيجەسىندە, كۇدىكتىلەردىڭ زاڭسىز ارەكەتىنەن 60 ملن تەڭگەگە جۋىق شىعىن كەلتىرىلگەن. سوت ۇكىمىمەن ەكى ازامات كىنالى دەپ تانىلىپ, بەس جىلعا شارتتى تۇردە باس بوستاندىعىنان ايىرىلدى. ال, جابىرلەنۋشىلەرگە كەلتىرىلگەن زالال تولىق كولەمدە وتەلگەن.
«جىل باسىنان بەرى قما قارجى پيراميدالارىن قۇرۋ جانە باسقارۋ فاكتىلەرى بويىنشا 62 قىلمىستىق ءىس اياقتالدى, ولاردىڭ ۇيىمداستىرۋشىلارى 20 ملرد تەڭگەگە جۋىق شىعىن كەلتىردى.بۇگىنگى تاڭدا 13 ملرد تەڭگەدەن استام قاراجات وتەلدى.قارجى پيراميدالارىنىڭ قىزمەتىن ۇيىمداستىرعانى جانە جارنامالاعانى ءۇشىن, 53 ادامعا قاتىستى 35 سوت ۇكىمى شىقتى. ولار 2 جىلدان 9 جىلعا دەيىنگى مەرزىمگە سوتتالدى», دەپ حابارلادى ۆەدومستۆو وكىلدەرى.
ايتا كەتەيىك, قارجى پيراميدالارىنىڭ بەلگىلەرى بار 10,7 مىڭ سايت پەن سىلتەمە بۇعاتتاۋعا جولدانعان. «WhatsApp», «Telegram» جانە «Instagram» - دا 300-گە جۋىق چات بۇعاتتالعان. بۇل ارەكەتتەر 2 ملن-نان استام الەۋەتتى سالىمشىلاردىڭ قارجىلىق شىعىندارىنىڭ الدىن الدى.
