2015–2019 جىلدار ارالىعىندا اتالعان مەملەكەتتە جاڭا كەستەنى ەنگىزۋگە ارنالعان قاناتقاقتى جوبالار باستالعان ەدى. بۇل تاجىريبە 2500-دەن استام قىزمەتكەردى قامتىپ, ولاردىڭ جۇمىس اپتاسى 40 ساعاتتان 35–36 ساعاتقا قىسقارتىلدى, بىراق جالاقى تومەندەتىلمەدى. زەرتتەۋ ناتيجەلەرى جۇمىس ونىمدىلىگىنىڭ ايتارلىقتاي جاقسارعانىن كورسەتتى. قازىر يسلانديا ەكونوميكاسى ەۋروپانىڭ كوپ مەملەكەتتەرىنە قاراعاندا قارقىنى ءوسىپ, جۇمىسسىزدىق دەڭگەيى ەڭ تومەنگى كورسەتكىشكە جەتكەن.
«كىشكەنتاي حانزادا» – 1 ميلليون دوللار
انتۋان دە سەنت ەكزيۋپەريدىڭ ايگىلى «كىشكەنتاي حانزادا» كىتابىنىڭ تۇپنۇسقا قولجازباسى ابۋ-دابيدە باسساۋداعا شىعارىلماق.
قۇندى جادىگەر 1 ميلليوننان استام دوللارعا باعالانىپ وتىر. ويتكەنى كىتاپتا اۆتوردىڭ ءوزى ەنگىزگەن تۇزەتۋلەر مەن ەسكەرتپەلەر دە بار ەكەن. «Guardian» باسىلىمى ءدال وسىنداي ءۇش-اق نۇسقانىڭ ساقتالعانىن ايتادى. بۇل كىتاپقا قالامگەر: «ماڭدايداعى كوز كورمەگەندى كوكىرەك كوزى بايقايدى», دەگەن اتاقتى ناقىلىن جازعان. ايتا كەتەيىك, ءباسساۋدا قاراشا ايىنىڭ اياعىندا وتەدى.
اقىل ايتاتىن قالپاق
رەسەي ونەرتاپقىشتارى ماماندىق تاڭداۋعا كومەكتەسىن قالپاق ويلاپ تاپتى.
«Neiry» بيوتەحنولوگيالىق زەرتحاناسى دايىنداعان «برەيني» جۇيەسى وقۋشىنىڭ بەلگىلى ءبىر كاسىبي سالاعا بەيىمدىلىگىن انىقتايدى. قۇرىلعى اۋەلى بالانىڭ 15-تەن استام قابىلەتىن ەكشەپ الىپ, سونىڭ ىشىنەن 3 ماماندىقتى ۇسىنادى. بۇگىندە بۇل قىزمەتتى كەيبىر ۋنيۆەرسيتەتتەر, وقىتۋ پلاتفورمالارى قولدانا باستادى.
