فوتو: ۆيدەودان الىنعان كادر
جەرگىلىكتى پوليتسيا قىزمەتىنىڭ حابارلاۋىنشا, جول-كولىك وقيعاسى بۇگىن ساعات 00:50-دە الماتىنىڭ مەدەۋ اۋدانىندا بولعان.
«Toyota Camry كولىگىنىڭ جۇرگىزۋشىسى ءال-فارابي داڭعىلىمەن باتىس باعىتتا كەلە جاتىپ, مەڭدىقۇلوۆ كوشەسىنىڭ قيىلىسىندا ءرۋلدى باسقارا الماي, سول باعىتتا كەلە جاتقان لەكسۋس كولىگىمەن سوقتىعىسقان. كەيىن Toyota Camry كولىگى قارسى قوزعالىس جولاعىنا شىعىپ كەتىپ, داڭعىل بويىمەن شىعىس باعىتتا كەلە جاتقان BMW كولىگىمەن سوقتىعىسقان», دەپ حابارلادى الماتى پوليتسياسىنىڭ ءباسپاسوز قىزمەتى.
ناتيجەسىندە, اپات سالدارىنان بەس ادام مەديتسينالىق كومەككە جۇگىنگەن, ونىڭ ىشىندە Toyota Camry كولىگىنىڭ جۇرگىزۋشىسى بار.
مەدەۋ اۋداندىق ىشكى ىستەر ءبولىمىنىڭ قىزمەتكەرلەرى جول-كولىك وقيعاسىنىڭ ءمان-جايىن انىقتاۋعا كىرىسكەن.
