فوتو: اقوردا
فورۋمداعى سوزىندە ەل پرەزيدەنتى رەسەي-ۋكراينا اراسىنداعى قاقتىعىسقا قاتىستى پىكىر ءبىلدىردى. قاسىم-جومارت توقاەۆ رەسەي-ۋكراينا قاقتىعىسىن بەيبىت تۇردە شەشۋ جولدارىن قاراستىرۋدى قولدايتىنىن اتاپ ءوتتى.
«كانتسلەر شولتسپەن كەلىسسوز بارىسىندا ايتقانىمداي, رەسەيدىڭ اسكەري تۇرعىدان جەڭىلمەيتىنى انىق. بۇل – رەسەيدىڭ اسكەري الەۋەتى, پرەزيدەنت پۋتين جۇرگىزىپ وتىرعان ساياساتتى حالقىنىڭ قولداۋى جانە تاريحتىڭ ءوزى دالەلدەپ وتىرعان فاكت. سوندىقتان ءبىز قاقتىعىستى بەيبىت تۇردە شەشۋ جولدارىن قاراستىرۋدى, بارلىق مەملەكەتتىڭ, سونىڭ ىشىندە قىتاي مەن برازيليانىڭ اقىلعا قونىمدى جوسپارلارىن قولدايمىز. باسقا جول جوق. ايتپەسە, سوعىس قوس تاراپتى دا جويىپ تىنادى. كەيبىر الەمدىك كۇشتەر بۇعان مۇددەلى شىعار. بىراق بۇل تىعىرىققا تىرەيتىن جول. كونسترۋكتيۆتى كەلىسسوزدەر ارقىلى بەيبىتشىلىككە ۇمتىلۋ – السىزدىكتىڭ بەلگىسى ەمەس, كەرىسىنشە, ستراتەگيالىق پاراساتتىلىقتىڭ كورىنىسى», دەدى پرەزيدەنت.
