ون ەكى اپتا بويى قاتىسۋشىلار حالىقارالىق ساراپشىلارمەن تاجىريبە الماسىپ, ماسشتابتاۋ ستراتەگيالارىن ازىرلەدى. ولارعا تەگىن تۇرعىن ءۇي مەن كەڭسە بولمەلەرى ۇسىنىلدى. نارىقتاعى بەدەلدەرىن نىعايتۋ ءۇشىن ۆوركشوپتار, مەنتورلىق قولداۋ مۇمكىندىكتەرى بەرىلىپ, ستارتاپتاردىڭ يننوۆاتسيالىق بيزنەس مودەلدەرىن دامىتۋعا ىقپال ەتتى. سونىمەن قاتار باعدارلاما اياسىندا ءىرى حالىقارالىق كومپانيالارمەن ماڭىزدى كەلىسىمدەر جاسالدى.
«Google for Startups»-پەن ىنتىماقتاستىق ورناتقان 3 جىل ىشىندە ورتالىق ازيا ەلدەرىنەن 62 ستارتاپ اكسەلەراتسيا باعدارلاماسىنان سۇرىنبەي ءوتتى. الدىڭعى لەك تۇلەكتەرى 26 ملن دوللاردان استام ينۆەستيتسيا تارتتى, ال بۇل كومپانيالاردىڭ جالپى باعاسى 425 ملن دوللاردى قۇرادى. ولار ءباا, تۇركيا, اقش جانە باسقا ەلدەردىڭ نارىعىنا شىعا الدى. بۇل سەرىكتەستىك ستارتاپتارىمىز ءۇشىن حالىقارالىق الاڭعا جول اشىپ, جاھاندىق نارىقتى باعىندىرۋعا بەرىك نەگىز بولاتىنىنا سەنىمدىمىز. ءبىز ستارتاپ-ەكوجۇيەسىن دامىتۋ ماقساتىندا الەمدىك جەتەكشى كومپانيالارمەن ىنتىماقتاستىقتى نىعايتا بەرەمىز», دەدى Astana Hub باس ديرەكتورى ماعجان ماديەۆ.
بەسىنشى لەك قاتىسۋشىلارى ءوز جوبالارى مەن جەتىستىكتەرىن «Demo Day» ءىس-شاراسىندا تانىستىردى. باعدارلامانىڭ جارقىن جەتىستىگىنىڭ ءبىرى شاعىن جانە ورتا بيزنەستى تسيفرلاندىرۋمەن اينالىساتىن «Beksar» ستارتابى بولدى. اكسەلەراتور بارىسىندا كومپانيا كىرىسىن 3 ەسە ارتتىرىپ, MRR كورسەتكىشىن 75 000 دوللارعا جەتكىزگەن.
«Silkway Accelerator» باعدارلاماسىنا قاتىسقانىمىز قارجىلىق كورسەتكىشىمىزدى جانە وپەراتسيالىق ۇدەرىسىمىزدى ەداۋىر جاقسارتتى. سونداي-اق تۇتىنۋشىلاردىڭ كەتۋىن 70%-عا قىسقارتتىق, بۇل ساپانى باقىلاۋ جۇيەسىن ەنگىزۋ ارقىلى جۇزەگە استى. باعدارلاما اياسىندا ماسشتابتاۋ ستراتەگياسىن ناقتىلاپ, وزبەكستان مەن قىرعىزستاندا وكىلدىكتەر اشتىق. بۇعان قوسا ورتالىق ازيا, ازەربايجان جانە گرۋزيا نارىقتارىن ءارى قارايعى دامۋ باعىتى رەتىندە تاڭدادىق», دەدى «Beksar» كومپانياسىنىڭ نەگىزىن تەڭ قالاۋشى ماقسات بەكتىباەۆ.
ال «Checkdoc.kz» ستارتابى اي سايىنعى كىرىسىن 20 ەسە ارتتىرىپ, 46 ميلليون تەڭگەگە كەلىسىمشارتتار جاساستى. ء«بىز كوماندا قۇرامىن قايتا جاساقتاپ, ونى نەگىزگى ماماندارمەن بەكىتە تۇستىك. B2B نارىعىنا شىعىپ, مەديتسينا مەن ساقتاندىرۋ سالاسىندا ءىرى كەلىسىمدەرگە قول قويدىق. سونداي-اق جاقىن ارادا «Checkdoc Digital Insurance» اتتى جاڭا ءونىمدى ىسكە قوسۋدى جوسپارلاپ وتىرمىز, بۇل قىزمەتكەرلەرگە ساقتاندىرۋ قىزمەتتەرىن جەدەل باسقارۋعا مۇمكىندىك بەرەدى», دەدى جوبانىڭ باس ديرەكتورى اقتوتى سماتوۆا.
اكسەلەراتسيانى ءساتتى تامامداعاندار قاتارىندا بىرنەشە وتاندىق جوبا بار. اتاپ ايتساق, مەكتەپ وقۋشىلارىنا ارنالعان وقىتۋ پلاتفورماسى «ab.ai»; الاقاننىڭ كومەگىمەن اۆتوريزاتسيادان وتۋگە, كەز كەلگەن جەرگە كىرۋگە جانە ءتۇرلى زاتقا تولەم جاساۋعا مۇمكىندىك بەرەتىن «Alaqan» جوباسى; جۇك تاسىمالداۋدى ەكسپەديتورلاۋ بويىنشا ەڭ ءىرى ونلاين-پلاتفورما «biny.co»; جاساندى ينتەللەكتىنى قولدانا وتىرىپ, ونلاين كۋرستار ۇسىناتىن «Courstore SaaS»; ماركەتپلەيستەردە ساتۋ ۇدەرىسىن اۆتوماتتاندىرۋعا ارنالعان «Prometei»; كاسىپتىك باعدار بەرۋگە جانە ۋنيۆەرسيتەتكە تۇسۋگە ارنالعان جي نەگىزىندەگى «WeGlobal.ai» پلاتفورماسى; سونداي-اق مەيرامحاناعا ارنالعان تاپسىرىستار مەن تولەمدەردى باسقاراتىن «kook» جوباسى بار.
حالىقارالىق قاتىسۋشىلار قاتارىندا موڭعوليا مەملەكەتىنىڭ جوباسى كوش باستادى. اتاپ ايتساق, «Lambda Global» كومپانياسى قاشىقتا جۇمىس ىستەيتىن ماماندارمەن ىنتىماقتاستىق ورناتۋعا ارنالعان پلاتفورما قۇردى. سونداي-اق قىرعىزستاننىڭ جي نەگىزىندەگى باعدارلاماشىلارعا ارنالعان جۇمىس سيمۋلياتورى «Neobis» بولدى. بۇدان بولەك, وزبەكستاندىق ەكى ستارتاپ ەرەكشە كوزگە ءتۇستى. سونىڭ ءبىرى – «AL-Chiroq». بۇل – ۇيالى بايلانىس وپەراتورىنىڭ باعدارلامالارىنا ارنالعان پلاتفورما. ەكىنشىسى – جىلجىمايتىن م ۇلىك يندۋسترياسىنا باعىتتالعان تسيفرلىق ەكوجۇيەنى ۇسىناتىن «UYSOT» كومپانياسى.
جۇزدەن جۇيرىك دەپ تانىلعان ستارتاپ يەلەرى ءوز جوبالارىن تانىستىرىپ, الداعى جوسپارلارىن تالقىلاعان ءداستۇرلى «Opening Day» ءىس-شاراسىنا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ قاتىسقان ەدى.
«كاسىپكەرلەر مەن ستارتاپتارعا ارنالعان مۇنداي اۋقىمدى ءارى ماڭىزدى باستاما ءۇشىن سەرىكتەستەرىمىز بەن «Google for Startups» كومپانياسىنا العىس ايتقىم كەلەدى. باعدارلامانىڭ جەتىستىكتەرى بارشىلىق. اتاپ ايتساق, 1 300-دەن استام جەدەل ىسكە قوسىلعان جوبا, 400 ميلليون دوللاردان استام سوماعا باعالانعان 50-گە جۋىق ستارتاپ, سونداي-اق قاتىسۋشىلار تارتقان 26 ميلليون دوللار كولەمىندەگى ورتاق ينۆەستيتسيا. بۇل – اتالعان باعدارلامانىڭ اۋىز تولتىرىپ ايتارلىقتاي ۇلكەن ناتيجەسى ءارى باستاماسى عانا. مينيسترلىك تاراپىنان مۇنداي جوبالارعا قولداۋ كورسەتىپ, ۇيىمداستىرۋعا قاجەتتى بارلىق ينفراقۇرىلىمدى قامتاماسىز ەتۋگە دايىنبىز», دەدى مينيستر.
«Silkway Accelerator» بىرلەسكەن باعدارلاماسىنىڭ تيىمدىلىگى مەن ونىمدىلىگىن ەسكەرە وتىرىپ, «Google for Startups Astana Hub»-پەن سەرىكتەستىگىن جالعاستىرادى. ايتا كەتەيىك, «Google for Startups» – 2011 جىلى «Google» كورپوراتسياسى ىسكە قوسقان ستارتاپ باعدارلاماسى. بۇل 125 ەلدەگى 50-دەن استام اكسەلەراتوردى قامتىپ, تەحنولوگيالىق كاسىپكەرلەرگە تاجىريبە ساباقتارىن ۇسىنادى.
