ۆيدەودان الىنعان كادر
Tengrinews.kz جازعانداي, اقتوبەدە وتباسىمەن بىرگە جول اپاتىنا ۇشىراعان 28 جاستاعى ەر ادامعا قاتىستى سوت ۇكىمى شىقتى. قايعىلى وقيعا 26 تامىزدا اقتوبە وبلىسىنداعى ءاليا مولداعۇلوۆا اتىنداعى اۋىلدىڭ ماڭىندا بولعان. سوتتالۋشى مىنگەن كولىك اۋىر جۇك كولىگىمەن سوقتىعىسقان. اپات سالدارىنان سوتتالۋشىنىڭ اتا-اناسى, ءىنىسى جانە ەكى جيەنى قازا تاپتى. ءىس بويىنشا سوتتالۋشىنىڭ ۇلكەن اعاسى جابىرلەنۋشى بولىپ تانىلعان.
سوتتالۋشىنىڭ ۇكىمى ونىڭ ارىپتەستەرىنىڭ قاتىسۋىمەن جاريالاندى. قايعىلى وقيعاعا دەيىن ول قۇقىق قورعاۋ ورگاندارىندا جۇمىس ىستەگەن. الايدا سوتتالۋشىنىڭ قورعاۋشىلارى مۇنداي جاعدايدا سوت پروتسەسىن شوۋ ەتىپ وتكىزۋدى ورىنسىز دەپ سانادى.
ايىپتاۋشى تاراپ سوتتالۋشىنى بەس جىلعا باس بوستاندىعىنان ايىرۋدى سۇرادى. ءىس "ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋ" بابى بويىنشا تەرگەلگەن. بۇل باپ بويىنشا بەس جىلدان ون جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان. سوت ەڭ تومەنگى جازا تاعايىندادى.
- قىلمىس جاساعانى ءۇشىن كىنالى دەپ تانىلىپ, 5 جىل مەرزىمگە باس بوستاندىعىنان ايىرۋ جازاسى تاعايىندالسىن. سونداي-اق جەتى جىلعا دەيىن كولىك قۇرالىن باسقارۋ قۇقىعىنان ايىرىلسىن, – دەلىنگەن سوت ۇكىمىندە.
