فوتو: قر ۇستەل تەننيسى فەدەراتسياسى
ساۋد ارابياسىن 3:0 ەسەبىمەن جەڭگەن قازاقستان سپورتشىلارى شيرەك فينالدا ءۇندىستان وكىلدەرىمەن شەبەرلىك بايقاسقان ەدى.
كيريلل گەراسيمەنكو ەكى ويىندا جەڭىلىس تاپسا, الان قۇرمانعاليەۆ ەل قۇراماسىنا ءبىر جەڭىس سىيلادى. ال ايدوس كەنجەعۇلوۆ قارسىلاسىنا ەسە جىبەرىپ الدى. وسىلايشا, قازاقستان قۇراماسى 1:3 ەسەبىمەن ۇندىستانعا جول بەرىپ, جارتىلاي فينالدان تىس قالدى. الايدا, وتاندىق سپورتشىلار ەندى 5-8 ورىندار ءۇشىن باق سىنايدى.
ەسكە سالايىق, استاناداعى BEELINE ARENA ۇلتتىق تەننيس ورتالىعىندا 7 قازان كۇنى باستالعان ازيا چەمپيوناتىندا 26 ەلدەن كەلگەن 210 سپورتشى باق سىناپ جاتىر.
