اكۋشەر-گينەكولوگتەردىڭ ايتۋىنشا, بۇرىن جاتىردا پلاتسەنتانىڭ انومالدى ورنالاسۋى كەزىندە وپەراتسيالار وتە كۇردەلى بولاتىن. ناۋقاستار كەيدە 4-5 ليترگە دەي̆ىن قان جوعالتىپ, جاعدايى ناشارلاپ كەتەتىن ەدى. ال جاڭا ءادىس ەنگىزىلگەلى قان جوعالتۋ 800 مل-دەن اسپاي̆تىن دارەجەگە جەتتى نەمەسە ءتىپتى ودان دا از بولۋى مۇمكىن. «بۇل اي̆ەل اعزاسى ءۇشىن وتە ماڭىزدى», دەيدى ماماندار. سەبەبى قان جوعالتۋ – بوساناتىن انانىڭ جاعداي̆ىن اۋىرلاتاتىن ەڭ باستى فاكتورلاردىڭ ءبىرى.
سونىمەن قاتار بۇرىنعى كەزدە جاتىردىڭ تولىق امپۋتاتسياسى ءجيى جاسالاتىن. ياعني جاتىر بۇتىندەي الىنىپ تاستالاتىن. ال مۇنىڭ اي̆ەلدەرگە پسيحولوگيالىق, فيزيكالىق تۇرعىدان اۋىر سوققى ەدى. ەندى جاڭا ءادىس ارقىلى جاتىردى ساقتاپ قالۋعا بولادى. بۇل, ەڭ باستىسى, بولاشاقتا اي̆ەلدىڭ انا بولۋ باقىتىن ساقتاپ قالاتىن ۇلكەن مۇمكىندىككە اينالدى.
«سونىمەن قاتار جاڭا ءتاسىل وپەراتسيا ۋاقىتىن ەداۋىر قىسقارتتى. سونىڭ ناتيجەسىندە ناۋقاسقا انەستەزيا از ۋاقىت جاسالادى, ول سىرقاتتىڭ وپەراتسيادان كەي̆ىن تەزىرەك قالپىنا كەلۋىن قامتاماسىز ەتەدى. بۇرىنعى ادىستەردە بالانىڭ گيپوكسياعا ۇشىراۋى ءجيى بولسا, ەندىگى جەردە مۇنداي تاۋەكەلدەر دە اي̆تارلىقتاي̆ ازايدى. ناتيجەسىندە, ءسابي ساۋ, تولىققاندى كۇي̆دە ومىرگە كەلەدى. قان قۇيۋ دا ۇلكەن ماسەلە بولاتىن. وسىعان دەي̆ىن اي̆ەلگە كوپ مولشەردە قان قۇيۋ قاجەت بولسا, ەندى بۇل وپەراتسيادا ءبىر دوزانىڭ ءوزى جەتكىلىكتى. بۇل دا ناۋقاستىڭ تەز ساۋىعۋىنا ىقپال ەتەدى», دەدى №2 قالالىق اۋرۋحاناسىنىڭ باس دارىگەرى باحىتجان پوزيلوۆ.
بۇدان بولەك, بۇرىن وپەراتسيادان كەي̆ىن اي̆ەل رەانيماتسيا بولىمىندە 7-8 كۇنگە دەي̆ىن جاتىپ, بالاسىن ەمىزە الماي̆ قينالاتىن. ءومىر مەن ءولىمنىڭ اراسىندا جاتقان پاتسيەنتكە بۇل كەزەڭ وتە اۋىر بولاتىن. ال جاڭا ءادىس ارقىلى وپەراتسيادان كەي̆ىن اي̆ەل 3-4 ساعات ىشىندە رەانيماتسيادان شىعىپ, بالاسىن بىردەن ەمىزە الادى. بۇل انا مەن بالانىڭ ءبىر-بىرىمەن تەز جاقىنداسۋىنا, ولاردىڭ تەز ساۋىعۋىنا سەپتىگىن تيگىزەدى.
