وسىدان ءبىر اپتا بۇرىن ءوزىم تىركەلگەن ۋچاسكەلىك بولىمگە ارنايى بارىپ, اتى-ءجونىمنىڭ تىزىمدە تۇرعانىن تەكسەرىپ كەلگەن ەدىم. ءوزىم مۇنداي نارسەگە مۇقيات قارايمىن. ويتكەنى ەرتەرەكتە پاتەر تىركەۋى وزگەرگەندە تىزىمنەن تابىلماي, سايلاۋعا قاتىسا الماي قالعانىم بار. سول كۇنگى سەزىمىم – وتە ماڭىزدى ءىس-شارادان سىرت قالعانداي, كوشتەن قالىپ قويعانداي بولعانىم ءالى ەسىمدە.
كوزىمىز قاراقتى, قازىر ىزدەنگەن ادامعا قاي تاقىرىپتا دا تولىق مالىمەت, انىق اقپارات الۋىنا مۇمكىندىك بار. سوندىقتان قازاقستان ازاماتتارى, اسىرەسە جاستار جاعى ەلدىڭ بولاشاعى تالقىعا تۇسكەن ساتتە بەي-جاي, بەيتاراپ قالماۋى كەرەك دەپ ەسەپتەيمىن. ءبارىمىز تىلگە تيەك ەتەتىن باتىستىق دەموكراتيا, ازاماتتىق قوعام تەك وسىنداي بەلسەندى ارەكەتتىڭ ارقاسىندا عانا قالىپتاسادى.
تۇرماعامبەت شايىر اتاڭ ايتپاي ما:
اقىل – تون, اڭداعانعا توزبايتۇعىن,
عىلىم – كەن, كۇندە ءونىپ قوزدايتۇعىن.
يەلىك ەكەۋىنە ەتكەندەردىڭ
جانى جوق جەر جۇزىندە وزبايتۇعىن.
ادامدى ءارلى-بەرلى ءۇيىرىلدىرىپ
سياقتى تۇرمىس - تولقىن قوزعايتۇعىن.
عىلىمعا ونەر مەنەن ۋاقىتىڭ باردا,
سەبەپ نە سىبانىپ قول سوزبايتۇعىن؟
قاتارىڭ قالماي شاۋىپ باراتقاندا,
ارقاڭنىڭ اۋرۋى نە قوزبايتۇعىن؟!
كوشكە ەرمەي, ءوز بەتىنشە قاڭعالاعان,
بوتاداي بوز تاقىردا بوزدايتۇعىن...
ايتقالي نارىكوۆ,
اقىن, حالىقارالىق «الاش» سىيلىعىنىڭ لاۋرەاتى
