فەستيۆالدىڭ ماقساتى – تەاتر ۇجىمدارى اراسىنداعى شىعارماشىلىق بايلانىستى نىعايتۋ جانە حالىقارالىق تەاتر ۇدەرىسىنە ينتەگراتسيالاۋ. قازاقتىڭ كورنەكتى تەاتر جانە كينو اكتريساسى بيكەن ىرىمقىزىن ماڭگى ەستە قالدىرۋ. ەستەتيكالىق دەڭگەيدى ارتتىرۋ جانە كاسىبي قارىم-قاتىناس قۇرۋ, سەرىكتەستىك پەن بىرلەسكەن شىعارماشىلىق جوبالاردىڭ پايدا بولۋىنا جاعداي جاساۋ. فەستيۆال اياسىندا جاس رەجيسسەرلەردىڭ, اكتەرلەردىڭ, دراماتۋرگتەردىڭ, سۋرەتشىلەردىڭ جاڭا بۋىنىن انىقتاۋ جانە قولداۋ بولىپ تابىلادى.
فەستيۆال 2024 جىلدىڭ 7-10 قازان ارالىعىندا وتەدى. ەكىنشى مارتە ۇيىمداستىرىلعالى جاتقان ءىس-شاراعا 8 تەاتر قاتىسادى. اتاپ ايتساق: جامبىل وبلىستىق ورىس دراما تەاترى, ۆ.گۋنيا اتىنداعى پوتي مەملەكەتتىك دراما تەاترى, س.قوجامقۇلوۆ اتىنداعى ۇلىتاۋ وبلىسىنىڭ قازاق مۋزىكالىق-دراما تەاترى, تۇركيانىڭ ەرزۋرۋم مەملەكەتتىك تەاترى, ح.بوكەەۆا اتىنداعى وبلىستىق قازاق دراما تەاترى, ق.جانتوشەۆ اتىنداعى ىستىقكول وبلىستىق مۋزىكالىق دراما تەاترى, ب.وماروۆ اتىنداعى «جاس ساحنا» تەاترى.
ونىڭ ۇيىمداستىرۋشىلارى – جەتىسۋ وبلىسىنىڭ اكىمدىگى, «جەتىسۋ وبلىسىنىڭ مادەنيەت, ارحيۆتەر جانە قۇجاتتاما باسقارماسى» مم «بيكەن ريموۆا اتىنداعى تالدىقورعان دراما تەاترى» مكقك.
