قازاقستان – رەسەي: سىندارلى ديالوگ ارىپتەستىكتى نىعايتادى

ءىس-شاراعا سەناتورلار ان­درەي لۋكين, ول­گا بۋلاۆ­كينا, جاننا اسانوۆا, نۇريا نيازوۆا جانە ساكەن ارۋباەۆ قاتىستى. ولار رەسەيلىك ارىپ­تەستەرىمەن ەنەرگەتيكا جانە كولىك لوگيستيكاسى سالاسىنداعى ەكىجاقتى ىنتىماقتاستىقتىڭ نەگىزگى ماسەلەلەرىن, وڭىرارالىق جانە شەكارا ماڭىنداعى ءوزارا ءىس-قيمىلدىڭ كەلە­شەگىن, سونداي-اق ۇلى وتان سوعىسى باتىرلارىنىڭ تاريحي ەستەلىگىن ساقتاۋ شارالارىن تالقىلادى.

جاقىپ اسانوۆ ءوز سوزىندە رەسەي قازاقستان ءۇشىن ەڭ ماڭىزدى ستراتەگيالىق ارىپتەس ءارى سەنىمدى وداقتاس ەكەنىن اتاپ ءوتتى. ونىڭ اي­تۋىنشا, ەكى ەل اراسىن­دا مەملەكەتارالىق بايلا­نىستىڭ بارلىق سالاسىن قامتيتىن جوعارى دەڭگەي­دەگى تۇراقتى ساياسي ديالوگ قالىپتاستى. ەكى ەلدىڭ مەملەكەت باسشىلارىنىڭ ساپارلارى ستراتەگيالىق ارىپ­تەستىكتى تەرەڭدەتۋگە دەگەن ۇمتىلىسىن ايقىن كورسەتەدى.

«پرەزيدەنتتەردىڭ دوس­تىق جانە سەنىمدى قارىم-قاتىناسى بارلىق دەڭگەيدەگى بايلانىستىڭ سيپاتىن بەل­گىلەپ بەردى. ەكى ەل پار­لا­مەنتتەرىنىڭ بايلانىستارى بويىنشا قارقىندى ءۇن قاتىسۋ ورىستەپ كەلەدى. قازاقستان مەن رەسەيدىڭ ۇكىمەت باسشىلارىنىڭ, سا­لالىق مەملەكەتتىك ورگاندار باسشىلارىنىڭ كەزدەسۋلەرى تۇراقتى تۇردە ءوتىپ جاتىر. مەنىڭ ويىمشا, ءبىز ءوز تاراپىمىزدان كوميسسيانىڭ جۇمىسى ەكى مەملەكەتكە دە بارىنشا پايدا اكەلۋى ءۇشىن قولدان كەلگەننىڭ ءبارىن جاساۋىمىز كەرەك», دەدى ج.اسانوۆ.

رەسەي تاراپى ءوز كەزەگىندە ىنتىماقتاستىقتى ودان ءارى نىعايتا تۇسۋگە دايىن ەكەنىن ءبىلدىردى. اندرەي ياتس­كين سىندارلى ديالوگ پەن بىرلەسكەن جوبالاردى ىسكە اسىرۋ ەكىجاقتى قارىم-قاتى­ناستاردى دامىتۋعا جانە رەسەي مەن قازاقستان اراسىنداعى ستراتەگيالىق ارىپ­تەستىكتى تەرەڭدەتۋگە ىق­پال ەتەتىنىن اتاپ ءوتتى.