فوتو: مادەنيەت جانە اقپارات مينيسترلىگى
ەلىمىزدىڭ ءار وڭىرىندەگى ەرىكتىلەر قارت ادامدار ءۇشىن مادەني جانە دەمالىس ءىس-شارالارىن وتكىزىپ, الەۋمەتتىك كومەك كورسەتىپ وتىرادى. بۇل قاريالاردىڭ ءومىرىن جەڭىلدەتىپ قانا قويماي, قوعامعا قاجەتتىلىگىن سەزىنۋگە كومەكتەسەدى.
«Birgemiz: Qamqor» جالپىۇلتتىق جوباسى ءۇش جىل بۇرىن جۇمىسىن باستاپ, وسى ۋاقىتتىڭ ىشىندە ايتارلىقتاي ناتيجەلەرگە قول جەتكىزدى. رەسپۋبليكا اۋماعىندا 8000-نان استام قارت ادامعا قاجەتتى كومەك كورسەتىلدى.
قازىرگى تاڭدا جوباعا قاتىسقان ەرىكتىلەردىڭ جالپى سانى 6000-نان استى. ولاردىڭ باسىم بولىگى جاستار, ستۋدەنتتەر جانە قارتتاردىڭ ءومىرىن جاقسارتۋعا ۇلەس قوسقىسى كەلەتىن ازاماتتار. وسىنداي باستامالاردىڭ ارقاسىندا وسكەلەڭ ۇرپاق پەن قارتتار اراسىنداعى بايلانىس نىعايىپ, ءوزارا كومەك پەن قۇرمەت مادەنيەتى قالىپتاسىپ كەلەدى.
ايتا كەتەيىك, ەرىكتىلەر قوزعالىسىنا كەز كەلگەن ادام قوسىلا الادى. ول ءۇشىن دايىندىقتان وتۋگە مۇمكىندىك بەرەتىن ونلاين-وقىتۋ ءمودۋلى قۇرىلدى. بۇگىنگە دەيىن جوبا اياسىندا 3000 ەرىكتى وقىتىلدى.
