فوتو سەناتتىڭ ءباسپاسوز قىزمەتى
اسكەري قىزمەتشىلەردىڭ ءومىرى مەن دەنساۋلىعىنا جانە الەۋمەتتىك بەيىمدەلۋىنە لايىقتى جاعدايدىڭ بولۋى ولاردىڭ بەيبىت ۋاقىتتا دا, سوعىس ۋاقىتىندا دا پسيحولوگيالىق احۋالى مەن قاۋىپسىزدىگىنە تىكەلەي اسەر ەتەدى. اتاپ ايتقاندا, قازىرگى زامانعى قارۋ-جاراقپەن ءتيىمدى جانە قاۋىپسىز قىزمەت اتقارۋدا اسكەردىڭ مورالدىق تۇرعىدا دايارلىعى شەشۋشى ءرول اتقارادى.
وتىرىسقا قاتىسۋشىلار كەيىنگى ۋاقىتتا قارۋلى كۇشتەر قاتارىندا بولعان قوعامدىق نارازىلىق تۋعىزعان بىرقاتار وقيعالاردى اتاپ ءوتتى. سەناتورلار سونداي-اق مەملەكەت باسشىسىنىڭ اسكەري قىزمەتشىلەردىڭ دەنساۋلىعى مەن قاۋىپسىزدىگى ەرەكشە باقىلاۋدا بولۋى ءتيىس دەگەن تاپسىرماسىن ەسكە سالدى.
قورعانىس مينيسترلىگىنىڭ وكىلى ءوز كەزەگىندە اسكەر ءومىرىن جاقسارتۋ جونىندە جۇمىس جۇرگىزىلىپ جاتقانى جانە قىزمەت جاعدايىمەن قوسا لاۋازىمدىق جالاقى مەن اقشالاي ۇلەس كەزەڭ-كەزەڭمەن ۇلعايعانى تۋرالى حابارلادى. الايدا, الەۋمەتتىك جەڭىلدىكتەر توپتاماسى ءالى جەتىلدىرۋدى تالاپ ەتەدى.
سونىمەن قاتار اسكەري قىزمەتشىلەردى ساپالى تاماقتاندىرۋدى ۇيىمداستىرۋدى قايتا قاراۋ ماسەلەسى دە كوتەرىلدى.
