سۋرەت: primeminister.kz
اۋا رايىنىڭ قولايلى بولۋىنىڭ ارقاسىندا 27 قىركۇيەككە دەيىن ەلىمىزدىڭ نەگىزگى استىق ەگەتىن وڭىرلەرىندە 13 ملن گا جۋىق القاپ نەمەسە 75%-ى جينالدى. ەگىن جيناۋ ناۋقانىن قازان ايىنىڭ سوڭىنا دەيىن اياقتاۋ جوسپارلانعان. قازىر مايلى داقىلداردى جينالىپ جاتىر.
ءونىمدى كەپتىرۋ اگرەگاتتارىنا ارزانداتىلعان ديزەل وتىنى مەن سۇيىتىلعان گازدى تيەپ, جونەلتۋ, 4-سىنىپتى ارپا مەن بيدايدىڭ باعاسى – جەدەل شتاب وتىرىسىندا قارالعان نەگىزگى ماسەلەلەر بولدى.
اۋىل شارۋاشىلىعى ۆيتسە-ءمينيسترى ازات سۇلتانوۆ حابارلاعانداي, 27 قىركۇيەكتە ەلەۆاتورلارعا 3,376 ملن توننا استىق ءتۇستى, ونىڭ 2,476 ملن تونناسى – بيداي. بيدايدىڭ جالپى كولەمىندە 1,4 ملن تونناسى 3-سىنىپتى بيداي (56,2%), 701,4 مىڭ توننا – 4-سىنىپتى (28,3%), 263,1 مىڭ توننا – 5-سىنىپتى (10,6%) استىق. قامباعا تۇسكەن ارپانىڭ 95%-عا جۋىعى – 2-سىنىپتى ارپا.
4-5-سىنىپتى بيداي جيناۋدى ۇلعايتۋ پەرسپەكتيۆاسىن ەسكەرە وتىرىپ, شارۋالار وسى استىقتىڭ فورۆاردتىق ساتىپ الۋ باعاسىن مۇمكىندىگىنشە ەرتە جاريالاۋدى سۇراپ وتىر. س.جۇمانعارين ازىق-ت ۇلىك كورپوراتسياسىنا كەلەسى اپتادا فورۆاردتىق ساتىپ الۋ باعاسىن جاريالاۋدى تاپسىردى.
نەگىزگى استىق ەگەتىن وڭىرلەرگە استىق كەپتىرۋ اگرەگاتتارىنا ارنالعان ارزان باعادا سۇيىتىلعان گاز جەتكىزۋ باستالدى. ءونىمدى جيناپ, كەپتىرۋگە قاجەتتى ديزەل وتىنىن تيەپ جونەلتۋ جوسپارعا سايكەس جۇرگىزىلىپ جاتىر.
كۇزدە توپىراققا ەنگىزۋ ءۇشىن قاجەتتى مينەرالدى تىڭايتقىشتاردى جونەلتۋ بارىسى جەكە قاراستىرىلدى. سونداي-اق جونەلتۋ تومەن قارقىنمەن ءجۇرىپ جاتقان وڭىرلەرگە سىن ايتىلدى.
