فوتو: ru.freepik.com
قىزىقتى دەرەكتى «Egemen Qazaqstan» گازەتىنىڭ ءتىلشىسى بەكزات قۇلشار «عالام عاجاپتارى: ورمان قورعاۋشى جاساندى ينتەللەكت» تانىمدىق ماقالاسىندا تىلگە تيەك ەتتى.
برازيليالىق مامانداردىڭ ايتۋىنشا, بۇل ىستە ۇشۋ اپاراتتارىنىڭ پايداسى زور. اسىرەسە ادام قولى جەتە بەرمەيتىن جەرلەردە الەۋەتى كەڭ.
ماسەلەن, ارنايى دروندار نەبارى ءبىر كۇندە 50 گەكتار اۋماققا تۇقىم سەۋىپ شىعادى. بۇل ادامنىڭ ەڭبەك كۇشىنەن الدەقايدا جىلدام ءارى ءونىمدى ەكەنىن دالەلدەيدى. برازيليا بيلىگى اتالعان تەحنولوگيانىڭ ارقاسىندا ءبىر ميلليون ءتۇپ اعاش ەگۋدى كوزدەپ وتىر.
مۇنداي زاماناۋي ادىستەر قازاقستاندا قولدانىلادى ما؟ بۇل سۇراققا دا جاۋاپ ىزدەپ كوردىك.
ەلىمىزدە دروندار ەگىن شارۋاشىلىعىندا پايدالانىلادى. دەسە دە, بۇل ەندى عانا قالىپتاسىپ جاتقان ءۇردىس. ودان بولەك, قازاقستاندا درون شىعارۋ سالاسىندا دا العاشقى قادامدار جاسالىپ جاتىر. ماسەلەن, «اتامەكەن» كاسىپكەرلەر پالاتاسى اۋىل شارۋاشىلىعى, مۇناي-گاز, تاۋ-كەن جانە ونەركاسىپتىڭ باسقا دا سالالارى ءۇشىن قىتايمەن بىرلەسىپ درون شىعاراتىن كاسىپورىن قۇرۋ جوسپارلانىپ وتىرعانىن مالىمدەگەن ەدى.
ال Kansas State University جۇرگىزگەن زەرتتەۋلەرگە زەر سالساق, درونداردى قولدانۋ ارقىلى داقىلداردىڭ «دەنساۋلىعىن» باقىلاۋ, ارامشوپتەردى انىقتاۋ جانە ونىمدىلىكتى ارتتىرۋدا شىعىنداردى 75 پايىزعا دەيىن ازايتۋعا بولادى.
