كونستيتۋتسياعا سايكەس, پرەزيدەنتتىڭ جوعارى سوت كەڭەسى توراعاسىن تاعايىنداۋىنا كەلىسىم بەرۋ سەناتتىڭ ەرەكشە قاراۋىنا جاتادى.
مەملەكەت باسشىسىنىڭ جوعارى سوت كەڭەسىنىڭ توراعاسى قىزمەتىنە دميتري مالاحوۆتى تاعايىنداۋعا كەلىسىم بەرۋ ماسەلەسىنە قاتىستى ۇسىنۋىن پرەزيدەنتتىڭ قۇقىقتىق ماسەلەلەر جونىندەگى كومەكشىسى ەرجان جيەنباەۆ وقىپ بەردى.
سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى نۇرلان بەكنازاروۆتىڭ ايتۋىنشا, مەملەكەت باسشىسى ۇسىنعان كانديداتۋرا كوميتەت وتىرىسىندا الدىن الا قارالىپ, تالقىلاندى. سونىڭ ناتيجەسىندە سەناتقا اتالعان كانديداتۋرانى قولداۋدى ۇسىنۋ تۋرالى شەشىم قابىلداندى.
وسىلايشا, سەنات وتىرىسىندا دەپۋتاتتار مەملەكەت باسشىسىنىڭ جوعارى سوت كەڭەسى توراعاسى قىزمەتىنە دميتري مالاحوۆتى تاعايىنداۋىنا كەلىسىم بەرۋ تۋرالى شەشىم قابىلدادى.
