سۋرەت: ru.freepik.com
دەپارتامەنت باسشىسىنىڭ ورىنباسارى نۇرلان ابديەۆ ەڭ كوپ تاراعان زاڭ بۇزۋشىلىقتار تۇتىنۋشىلاردىڭ تالاپتارىنا ۋاقتىلى جاۋاپ بەرمەۋ, سونداي-اق الەۋمەتتىك ماڭىزى بار ازىق-ت ۇلىك تاۋارلارىنا قاتىستى زاڭنامادا بەلگىلەنگەن ساۋدا ۇستەمەسىن بۇزۋ جاعدايلارى جيىلەگەنىن ايتادى. وتىنىشتەردى قاراۋ قورىتىندىسى بويىنشا 40 جوسپاردان تىس تەكسەرۋ جۇرگىزىلىپ, زاڭ بۇزۋشىلارعا 168 اكىمشىلىك جازا تاعايىندالعان.
«دەرەكتەردى تالداۋ ناتيجەسى تۇتىنۋشىلىق قۇقىقتىق مادەنيەتتىڭ قالىپتاسا باستاعانىن, دەگەنمەن جوسىقسىز كاسىپكەرلىك قىزمەتتىڭ دە ەرىك بەرمەي تۇرعانىن كورسەتىپ وتىر. «ساپالى ءونىم» الەۋمەتتىك جوباسى اياسىندا الماتى قالاسىنىڭ قوعامدىق ۇيىمدارى ازىق-ت ۇلىك قاۋىپسىزدىگى ساپاسىنىڭ سايكەستىگىن انىقتاۋ ءۇشىن شەتەلدىك وندىرۋشىلەردىڭ 66-عا جۋىق ءونىم اتاۋىن ساتىپ الىپ, تاماق ونىمدەرىن سىناۋ زەرتحاناسىنا ساراپتاما جۇرگىزۋگە جىبەردى. ناتيجەسىندە, 24 بيزنەس سۋبەكتىسى اكىمشىلىك جاۋاپكەرشىلىككە تارتىلدى. سونىمەن قاتار 8 ايدىڭ قورىتىندىسى بويىنشا باعا بەلگىلەۋگە جانە تۇتىنۋشىلاردىڭ قۇقىقتارىن قورعاۋعا قاتىستى بىرقاتار جوسىقسىز قىزمەت انىقتالدى. بۇل فاكتىلەر جويىلىپ, 396 اكىمشىلىك حاتتاما تولتىرىلدى», دەيدى ن. ابديەۆ.
تۇتىنۋ قۇقىعىن بۇزۋدىڭ كوپتەگەن مىسالى بار. كوبىنەسە ازاماتتار جيھاز جاساۋ جانە جوندەۋ قىزمەتىنە شاعىمداناتىن كورىنەدى. مۇنداي جاعدايلار تەك الماتىدا ەمەس, بارلىق ايماقتا كەزدەسەدى. ماماندار تالاپتاردىڭ ءوسۋىن تۇتىنۋ مادەنيەتىنىڭ وسۋىمەن بايلانىستىرادى. الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى تۇرعىندارعا ءتۇسىندىرۋ جۇمىستارىن جۇرگىزىپ, قۇقىقتىق كومەك كورسەتەدى.
دەپارتامەنت ماماندارى تكش قىزمەتتەرى, سونداي-اق ءبىلىم بەرۋ, مەديتسينا, قوعامدىق تاماقتانۋ جانە بايلانىس سالالارىنا قاتىستى وتىنىشتەر قالانىڭ جەرگىلىكتى اتقارۋشى ورگاندارى, ىشكى ىستەر ورگاندارى جانە ۇيالى وپەراتورلارمەن بىرلەسە پىسىقتالاتىنىن ايتادى. ءتىپتى جاۋاپتى باسقارما ءىس ناسىرعا شاپقان جاعدايدا, سوتقا ءۇشىنشى تۇلعا رەتىندە قاتىسادى.
الەمدىك تاجىريبەدە ازاماتتارعا تۇتىنۋ قۇقىن ۇيرەتۋ ماقساتىندا ارنايى ساباقتار جۇرگىزىلەدى. جىل باسىنان بەرى مۇنداي باستاما الماتىدا دا جۇزەگە اسا باستادى. حالىقتىڭ قۇقىقتىق ساۋاتىن ارتتىرۋعا باعىتتالعان جوبانى قالا بيلىگىنىڭ قولداۋىمەن «جاناشىر» حالىقارالىق قوعامدىق قورى قولعا العان. قوعامدىق قور ماماندارى, كۇنى بۇگىنگە دەيىن مىڭعا جۋىق الماتىلىق كەڭەس الۋ ماقساتىندا قور كومەگىنە جۇگىنگەنىن جەتكىزدى.
– جوبا جىل سوڭىنا دەيىن جالعاسادى. جوعارى وقۋ ورىندارىنىڭ ستۋدەنتتەرىنە, قالانىڭ ساۋدا نۇكتەلەرى مەن مەكەمەلەرىندەگى تۇتىنۋشىلارعا وقىتۋ جۇمىستارى جۇرگىزىلىپ جاتىر. Instagram, Facebook, Telegram الەۋمەتتىك جەلىلەرىندە «تۇتىنۋشى-پوترەبيتەل» اقپاراتتىق اككاۋنتتارى بەلسەندى جۇمىس ىستەيدى. ساۋدا ورىندارىندا تۇتىنۋشىلار قۇقىن قورعاۋ سالاسىنداعى جاڭا زاڭناما بويىنشا كەڭەس بەرەتىن ءموبيلدى زاڭ قىزمەتى ىسكە قوسىلدى. «ساپالى ءونىم» جوباسىنىڭ ماقساتى – ىشكى نارىقتا ازىق-ت ۇلىك ونىمدەرىنىڭ قاۋىپسىزدىگىن قامتاماسىز ەتۋ. جاڭا زاڭناما قوعامنىڭ ءومىر ءسۇرۋ ساپاسىن جاقسارتۋعا جانە تۇتىنۋشىلاردىڭ قۇقىقتارىن قورعاۋ ماسەلەلەرىندە ۇكىمەتتىك ەمەس ينستيتۋتتاردىڭ ءرولىن نىعايتۋعا باعىتتالىپ وتىر. البەتتە, بىزدە ءالى ساۋدا مادەنيەتى قالىپتاسپاعان جانە تۇتىنۋشىلاردىڭ قۇقىقتىق ساۋاتى دامىماعان. سوندىقتان جوبا اياسىندا ءبىز ازاماتتاردىڭ قۇقىقتىق ساۋاتىن ارتتىرۋعا بارىنشا كۇش سالامىز. قالا تۇرعىندارىن وزدەرى ءۇشىن جاسالعان مۇمكىندىكتى ءتيىمدى پايدالانۋعا جانە بەلگىلەنگەن زاڭداردى ساقتاۋعا شاقىرامىز. ءوز قۇقىقتارىڭىزدى ءبىلۋ جانە ۋاقتىلى قولدانۋ الدانىپ قالۋدان ساقتايدى. قوعامنىڭ ءاربىر مۇشەسى قۇقىقتىق ساۋاتتى بولۋى جانە تۇتىنۋ قۇقىعىن قورعاۋعا جاۋاپتى بولۋى كەرەك. بۇل ءومىر سۇرۋگە جانە جۇمىس ىستەۋگە قولايلى جاعداي جاسايدى. اۋدان باسشىلارىنان باستاپ ساۋدا نۇكتەلەرى مەن جوعارى وقۋ ورىندارىنا دەيىنگى ءارتۇرلى دەڭگەيدەگى باسشىلار تۇتىنۋشىلاردىڭ قۇقىقتارىن قورعاۋعا مۇددەلى ۇكىمەتتىك ەمەس ۇيىمداردىڭ جۇمىسىن بەلسەندى قولداۋعا ءتيىس. تەك وسى جاعدايدا عانا ناتيجەلەر مۇمكىندىگىنشە ءونىمدى بولادى, – دەيدى «جاناشىر» حالىقارالىق قوعامدىق قورىنىڭ پرەزيدەنتى جاڭىل اپەتوۆا.
الماتى
