فوتو: ۆيدەودان الىنعان كادر
الماتى قالالىق ءىىد ءباسپاسوز قىزمەتىنىڭ مالىمەتىنشە, جول اپاتى 18 قىركۇيەك كۇنى ساعات 17:00 شاماسىندا ساتباەۆ كوشەسىندە, دوستىق قيىلىسىنا جاقىن جەردە بولعان.
«تەمىر جول مينيسترلىگىنىڭ كەزەكشى ءبولىمىنىڭ حابارلاۋىنشا, BMW اۆتوكولىگىنىڭ جۇرگىزۋشىسى ءۋاليحانوۆ كوشەسىمەن وڭتۇستىك باعىتتا ساتباەۆ كوشەسىمەن قيىلىسىندا, ساتباەۆ كوشەسىنىڭ بويىمەن باتىس باعىتتا كەلە جاتقان لەكسۋس كولىگىمەن سوقتىعىسقان. سوققىنىڭ اسەرىنەن Lexus اۆتوكولىگى ينەرتسياعا بايلانىستى قوزعالىسىن جالعاستىرىپ, بەلگىلەنگەن جولمەن سولتۇستىك باعىتتا جولدى كەسىپ ءوتىپ بارا جاتقان جاياۋ جۇرگىنشىلەرگە سوعىلعان», دەپ حابارلادى الماتى جول پوليتسياسىنىڭ ءباسپاسوز قىزمەتى.
سالدارىنان ءۇش جاياۋ جۇرگىنشى مەن Lexus كولىگىنىڭ جۇرگىزۋشىسى زارداپ شەككەن.
«مەدەۋ اۋداندىق پوليتسيا ءبولىمىنىڭ قىزمەتكەرلەرى جول-كولىك وقيعاسىنىڭ ءمان-جايىن انىقتاپ جاتىر», دەپ تولىقتىردى پوليتسيا دەپارتامەنتىنەن.
