فوتو: اشىق دەرەككوز
قىرعىزستان كوكبورۇ فەدەراتسياسىنىڭ باسشىسى راميس دجۋنۋساليەۆتىڭ ايتۋىنشا, بۇل ۇسىنىس قازاقستان مەن قىرعىزستان اراسىنداعى سپورت بايلانىستارىن نىعايتۋعا جانە ادال ويىندى قامتاماسىز ەتۋگە باعىتتالعان.
ء«بىز داۋلى ماسەلەلەردى ءبىرجولا جويۋ ءۇشىن قازاقستان تاراپىنا رەۆانش ماتچىن وتكىزۋدى ۇسىنامىز. كورشى ەلدىڭ سپورتشىلارىنا دۇنيەجۇزىلىك كوشپەلىلەر ويىندارىندا بولعان قۇراممەن ويىنعا كەلۋدى سۇرايمىز», دەدى راميس دجۋنۋساليەۆ.
ەسكە سالا كەتەيىك, استانادا وتكەن دۇنيەجۇزىلىك كوشپەلىلەر ويىندارىندا ۇلتتىق قۇراما قىرعىزستاننىڭ كوكپارشىلارىنان باسىم ءتۇسىپ, جەڭىسكە جەتكەن ەدى. بىراق ويىن بارىسىندا ۇلتتىق قۇراما سپورتشىسى قارسىلاسىن قامشىمەن ۇرىپ, ويىننىڭ ارتى داۋعا ۇلاسقان.
سونىمەن قاتار ماراپاتتاۋ راسىمىندە قىرعىزستان قۇراماسىنىڭ سپورتشىلارى كۇمىس مەدالدارىن بىردەن شەشىپ, ساحنادان شىعىپ كەتكەن ەدى.
