فوتو: قر قورعانىس مينيسترلىگى
قر قورعانىس مينيسترلىگى ءباسپاسوز ورتالىعىنىڭ ايتۋىنشا پارلامەنتتىڭ شەشىمىمەن بيىل ءۇشىنشى جىل قازاقستان بۇل ەلگە شتاب وفيتسەرلەرى رەتىندە اسكەري قىزمەتشىلەرىن جىبەرىپ كەلەدى. قىزمەت بارىسىندا قازاقستاندىق وفيتسەرلەر ىشكى احۋالعا تالداۋ جۇرگىزىپ, ميسسيانىڭ ءارتۇرلى كومپونەنتتەرىنىڭ ءىس-قيمىلدارىن ۇيلەستىرەدى, قولباسشىلىق ءۇشىن ەگجەي-تەگجەيلى ەسەپتەر دايىندايدى.
وسى ۋاقىت ارالىعىندا ورتالىق افريكا رەسپۋبليكاسىندا قر قارۋلى كۇشتەرىنىڭ ءتورت اسكەري قىزمەتشىسى بولعانىن اتاپ وتكەن ءجون. قازىر وندا ەكى قازاقستاندىق بىتىمگەر بار. ولاردىڭ جاعدايدى تۇراقتاندىرۋعا قوسقان ۇلەسىن ميسسيا باسشىلىعى جوعارى باعالاپ, قويىلعان مىندەتتەردى كاسىبي جانە ءمىنسىز ورىنداعانى ءۇشىن قازاقستاندىق وفيتسەرلەر بىرنەشە رەت العىس حاتتار مەن مەدالدار الدى.
ەستەرىڭىزگە سالا كەتەيىك, بىتىمگەرلىك ميسسياسىن ورتالىق افريكا رەسپۋبليكاسىندا ورنالاستىرۋعا بۇۇ قاۋىپسىزدىك كەڭەسى 2014 جىلدىڭ 10 ساۋىرىندە قولايسىز گۋمانيتارلىق جانە ساياسي جاعدايعا بايلانىستى رۇقسات بەرگەن بولاتىن.
