فوتو: ۆەدومستۆو
سالا ءمينيسترى نۇرجان نۇرجىگىتوۆ ازيا جانە تىنىق مۇحيتى وڭىرىنە ارنالعان ەكونوميكالىق جانە الەۋمەتتىك كوميسسيانىڭ اتقارۋشى حاتشىسى ارميدا اليشاحبانا باستاعان بۇۇ دەلەگاتسياسىمەن كەزدەستى.
«ەلىمىزدەگى 9 جوعارى وقۋ ورنىمەن ىنتىماقتاستىق تۋرالى مەموراندۋمعا قول قويدىق. بيىل «بولاشاق» باعدارلاماسىنا سۋ سالاسىنىڭ ماماندىقتارى قوسىلدى. قازاقستاننىڭ 2 ۋنيۆەرسيتەتى تاشكەنت يرريگاتسيا جانە اۋىلشارۋاشىلىعىن مەحانيكالاندىرۋ ينجەنەرلەرى ينستيتۋتىمەن قوسديپلومدى ءبىلىم بەرۋدىڭ بىرلەسكەن باعدارلاماسىن ىسكە قوستى. تاراز قالاسىندا جەكە ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى اشىلدى. ەندىگى ماقساتىمىز – وسى وقۋ ورىندارىنا شەتەلدىك ۇزدىك پروفەسسور-وقىتۋشىلاردى اكەلۋ. ءبىز قازاقستانعا كەلۋگە نيەتتى نەمەسە قاشىقتان وقىتۋعا دايىن ماماندارمەن جۇمىس ىستەۋگە ءازىرمىز», دەدى نۇرجان نۇرجىگىتوۆ.
ارميدا اليشاحبانا:
ء«بىز ءوز تاراپىمىزدان قازاقستان رەسپۋبليكاسىنىڭ «حالىقارالىق ارالدى قۇتقارۋ» قورىنا توراعالىعى اياسىندا ورتالىق ازيا مەملەكەتتەرىنىڭ ترانسشەكارالىق سۋ رەسۋرستارىن پايدالانۋ ماسەلەسىن رەتتەۋگە كومەك كورسەتۋگە دايىنبىز. سونداي-اق, قازاقستان ماماندارىن سۋ سالاسىندا تاجىريبە الماسۋ ماقساتىندا ۇيىمداستىرىلاتىن ءبىزدىڭ ءتۇرلى ءىس-شارالارىمىزعا جانە مۇزدىقتاردى قورعاۋ جونىندەگى حالىقارالىق جوباعا قاتىسۋعا شاقىرامىز», دەدى.
