ازاماتتىق كودەكستىڭ 397-بابىنا سايكەس, كەز كەلگەن ابونەنت بيومەتريالىق دەرەكتەردى ۇسىنۋى ءتيىس. بۇل قادام – الاياقتاردىڭ جولىن كەسۋگە سەپتىگىن تيگىزەدى. ايتا كەتەيىك, «Face ID» ءنومىردى باسقا وپەراتورعا اۋىستىراتىن كەزدە دە سۇرالادى.
سونداي-اق قوعامدىق ورىنداردا ينتەرنەتكە كىرۋ ءۇشىن SMS نەمەسە قوڭىراۋ ارقىلى بەرىلەتىن بىررەتتىك پارولدەر ەنگىزىلەدى. ەسكە سالايىق, جەلىگە وپەراتوردىڭ قوسىمشاسى ارقىلى سكانەرلەنگەن سايكەستەندىرۋ قۇجاتتارى ارقىلى دا كىرۋگە بولادى.
اۆتوريزاتسياعا رۇقسات بەرۋ ادىستەرى: eGov-پەن بايلانىس; بيومەتريا; بانك كارتاسىنىڭ ءنومىرى ارقىلى راستاۋ; وپەراتوردىڭ قوسىمشاسى ارقىلى قۇجاتتى سكانەرلەۋ; الەۋمەتتىك جەلىلەردەگى اككاۋنتتار; راستاۋ ەلەكتروندىق پوشتاسى.
بۇل شارالار قاۋىپسىزدىكتى كۇشەيتۋگە ءارى پايدالانۋشىلاردى سايكەستەندىرۋ ۇدەرىسىن جەڭىلدەتۋگە باعىتتالعان. دەگەنمەن بيومەتريالىق دەرەكتەردى جيناۋدىڭ كەڭەيۋىمەن جەكە اقپاراتتى قورعاۋ قاجەتتىلىگى دە ارتا تۇسەتىنىن ەسكەرگەن ءجون.
