قىتايلىق كومپانيا «Astribot S1» اتتى امبەباپ روبوت جاسادى. ول تىرشىلىككە قولقابىس بولىپ قانا قويماي, يەسىنىڭ كوڭىلىن دە اۋلايدى. ول مۋزىكالىق اسپاپتا دا وينايدى, مىسىقتى تاماقتاندىرادى, ءبالىش پىسىرەدى, شاي قايناتادى. جىلدام قولدارى مەن يكەمدىلىگىنىڭ ارقاسىندا باسقا دا ىستەردى ءمىنسىز ورىندايدى.
1,5 شاقىرىم قۇراق
وتاندىق ىسمەرلەر قۇراق تىگۋدەن رەكورد جاڭارتپاق.
استانادا وتەتىن دۇنيەجۇزىلىك كوشپەلىلەر ويىنىندا ۇزىندىعى 1,5 شاقىرىم بولاتىن قۇراق تىگىلەدى. شەبەرلەر ايرىقشا تۋىندىسىن «الامان قۇراق» دەپ اتاپتى. قۇراق قۇراۋعا ەلدىڭ بارلىق وڭىرىنەن 500 تىگىنشى قاتىسادى. ءوڭىر-وڭىردەگى ىسمەرلەر دايىندىقتى باستاپ كەتتى. قازىر قۇراقتارىن تۇگەندەپ جاتىر. الدىن الا ءار ورنەكتى, ماتانى تاڭداپ, ۇزىننان ۇزىن تىگىلگەن قۇراقتى حالىققا تارتۋ ەتپەك.
توپىراق استىنداعى زەرتحانا
مىسىرلىق ارحەولوگتەر كافر-ءال-شەيح پروۆينتسياسىنان كونە استرونوميالىق وبسەرۆاتوريا تاپتى.
عالىمداردىڭ زەرتتەۋىنشە, توپىراق استىنان شىققان نىسان ءبىزدىڭ زامانىمىزعا دەيىنگى ءVى عاسىردا سالىنعان. وڭدەلمەگەن كىرپىشتەن قالانعان عىلىمي مەكەمە جەرگىلىكتى عيباداتحانالاردىڭ بىرىندە ورنالاسقان. ودان كۇن ساعاتى, ولشەۋ قۇرالدارى سەكىلدى ءتۇرلى جادىگەر تابىلعان. كونە وبسەرۆاتوريا ءالى تولىق زەرتتەۋدەن وتكەن جوق. مامانداردىڭ ايتۋىنشا, ول – وسىعان دەيىن انىقتالعان استرونوميالىق مەكەمەلەردىڭ ىشىندەگى ەڭ ءىرىسى.
