فوتو: gov.kz/عىلىم جانە جوعارى ءبىلىم مينيسترلىگى
ۆەدومستۆو مالىمەتىنشە, تالاپكەرلەردىڭ 71%-ى – تەستتى قازاق تىلىندە, 29%-ى – ورىس تىلىندە, ال 164 ادام – اعىلشىن تىلىندە تاپسىرعان. ەكىنشى اپتانىڭ قورىتىندىسى بويىنشا قاتىسۋشىلاردىڭ 65%-ى شەكتى بالل جيناعان. بەس ءپان بويىنشا ورتاشا بالل 63 بالدى قۇراسا, ەڭ جوعارى ناتيجە – 138 بالل تىركەلگەن. سونداي-اق ۇبت-عا ەرەكشە ءبىلىم بەرۋ قاجەتتىلىگى بار 235 تالاپكەر قاتىسقان.
ۇبت-نىڭ ەكىنشى اپتاسىندا 178 بۇزۋشىلىق تىركەلگەن. 103 تالاپكەر سمارتفون, سمارت كوزىلدىرىك, ميكروقۇلاققاپ, شپارگالكا سەكىلدى تىيىم سالىنعان زاتتاردى الىپ كىرۋگە ارەكەتتەنگەنى ءۇشىن تەستتەن شەتتەتىلسە, 75 قاتىسۋشى ءتارتىپ بۇزعانى ءۇشىن اۋديتوريادان شىعارىلعان.
دەپۋتات ۇبت-دان جوعارى بالل العاندارعا بەرىلەتىن سىيلىقتارعا قاتىستى پىكىر ءبىلدىردى
مينيسترلىك مالىمەتىنشە, ۇبت اياقتالعاننان كەيىن بارلىق بەينەجازبالار 31 قازانعا دەيىن تالدانادى. ەگەر ەرەجە بۇزۋشىلىقتار انىقتالسا, تەست ناتيجەلەرى جويىلۋى مۇمكىن.
ەسكە سالايىق, بيىل ۇبت-عا قاتىسۋ ءۇشىن شامامەن 240 مىڭ تالاپكەر تىركەلىپ, ەكى مارتە تەست تاپسىرۋ مۇمكىندىگىمەن 446 مىڭنان استام ءوتىنىش بەرىلگەن. ايتا كەتەيىك, بيىلعى جىلدان باستاپ قازاقستان تۇلەكتەرىنىڭ ۇبت ناتيجەلەرى ارقىلى مالايزيادا دا وقي الادى.
