فوتو: الماتى اكىمدىگى
الماتى قالالىق جولاۋشىلار كولىگى مەن جول قوزعالىسىن ۇيىمداستىرۋ باسقارماسىنىڭ باسشىسى ەرجان ديحانباەۆتىڭ مالىمەتىنشە, جوبانىڭ تەحنيكالىق-ەكونوميكالىق نەگىزدەمەسىنە قاتىستى مەملەكەتتىك ساراپتامانىڭ قورىتىندىسى 2026 جىلدىڭ شىلدە ايىندا دايىن بولادى دەپ كۇتىلەدى. وسىدان كەيىن قۇرىلىس جۇمىستارىنىڭ بەلسەندى كەزەڭى باستالادى.
جوسپار بويىنشا LRT قۇرىلىسى 2027 جىلدىڭ ەكىنشى توقسانىندا باستالىپ, 2029 جىلدىڭ ەكىنشى توقسانىندا اياقتالۋى ءتيىس. جوبا اياسىندا LRT جەلىسىمەن قاتار دەپو دا سالىنادى.
ءبىر بيلەتپەن ەكى ادام وتۋگە بولمايدى: LRT باسشىلىعى جولاۋشىلارعا ەسكەرتۋ جاسادى
العاشقى جەلىنىڭ ۇزىندىعى 18,3 شاقىرىمدى قۇرايدى. باعىت تولە بي كوشەسىمەن ءوتىپ, كەيىن ابىلاي حان داڭعىلى ارقىلى الماتى-2 ۆوكزالىنا دەيىن جالعاسادى. ودان ءارى مومىش ۇلى كوشەسىمەن الاتاۋ اۋدانىنداعى يندۋستريالىق ايماققا دەيىن بارادى.
قازىرگى تاڭدا تولە بي كوشەسىندە ەسكى ترامۆاي رەلستەرىن بولشەكتەۋ جۇمىستارى جۇرگىزىلىپ جاتىر.
جوباعا سايكەس, جەلى ەكى باعىتتى بولادى. بارلىعى 34 جولاۋشىلار پلاتفورماسى سالىنىپ, ايالدامالاردىڭ اراقاشىقتىعى ورتا ەسەپپەن 700 مەتردى قۇرايدى.
LRT قۇرىلىسىنا بايلانىستى الماتى اكىمدىگى 270 جەر تەلىمى مەن نىساندى مەملەكەت قاجەتىنە الۋ تۋرالى قاۋلى شىعاردى. ونىڭ ىشىندە تۇرعىن ۇيلەر, كوممەرتسيالىق نىساندار جانە قالا قۇرىلىمدارىنىڭ بالانسىنداعى عيماراتتار بار.
جەر تەلىمدەرىن ساتىپ الۋ جۇمىستارى المالى, اۋەزوۆ, الاتاۋ جانە جەتىسۋ اۋداندارىن قامتيدى. ساتىپ الۋ مەرزىمى 2028 جىلدىڭ 31 جەلتوقسانىنا دەيىن جالعاسادى.
قوسشىداعى LRT قۇرىلىسىنا بايلانىستى 2 مىڭنان استام اعاش كوشىرىلەدى
جىلجىمايتىن م ۇلىك يەلەرىنە نارىقتىق باعا بويىنشا وتەماقى تولەنەدى. ەگەر مەنشىك يەسى ۇسىنىلعان سومامەن كەلىسپەسە, ماسەلە سوت ارقىلى شەشىلەدى.
