فوتو: بەينەجازبادان
قۇقىق قورعاۋ ورگاندارىنىڭ ەسكەرتۋلەرىنە قاراماستان, جاسوسپىرىمدەر توبى قالا كوشەلەرىمەن كولوننا بولىپ ءجۇرىپ, جول قوزعالىسى ەرەجەلەرىن بۇزعان.
ناتيجەسىندە 21 تۇلەكتىڭ اتا-اناسى بالالاردى تاربيەلەۋ مىندەتتەرىن تيىسىنشە ورىنداماعانى ءۇشىن جاۋاپكەرشىلىككە تارتىلعان. بۇل باپ بويىنشا جازا 10 اەك كولەمىندە ايىپپۇلدى (2026 جىلى 43 250 تەڭگە) قۇرايدى.
سونىمەن قاتار كولىك قۇرالدارىن پايدالانۋ ەرەجەلەرىن بۇزعانى ءۇشىن 5 اكىمشىلىك حاتتاما تولتىرىلىپ (ايىپپۇل – 5 اەك نەمەسە 21 625 تەڭگە), اۆتوكولىكتەر ايىپ تۇراعىنا قويىلعان.
«پوليتسيا اۆتوكورتەجدەردىڭ, اسىرەسە كامەلەتكە تولماعانداردىڭ قاتىسۋىمەن وتەتىن شارالاردىڭ زاڭعا قايشى ەكەنىن الدىن الا ەسكەرتكەن بولاتىن. سوعان قاراماستان كەيبىر ازاماتتار تالاپتاردى ەلەمەدى. وسىنداي ءاربىر دەرەك بويىنشا پوليتسيا قاتاڭ شارا قابىلدايدى. مەرەكەلىك كوڭىل-كۇي قوعامدىق ءتارتىپتى بۇزۋ مەن قاۋىپسىزدىككە قاتەر توندىرۋگە سەبەپ بولماۋى ءتيىس», دەلىنگەن دەپارتامەنت حابارلاماسىندا.
ەسكە سالا كەتەيىك, بۇعان دەيىن شىمكەنتتە كورتەج جاساعان 12 جۇرگىزۋشى جازاعا تارتىلعان بولاتىن.
