فوتو: mgorod.kz
جەرگىلىكتى باسىلىمداردىڭ ءبىرى حابارلاعانداي, قايعىلى وقيعا 1 قىركۇيەك كۇنى ساعات 13:20-دا ءبورلى-اقساي-جىمپيتى تاس جولىندا بولعان. بقو ءىىد ءباسپاسوز قىزمەتىنىڭ مالىمەتىنشە, 23 شاقىرىمدا ەكى كولىك بەتپە-بەت سوقتىعىسقان.
«Volkswagen Passat جۇرگىزۋشىسى باسىپ وزۋ كەزىندە قارسى جولعا شىعىپ كەتىپ, Subaru كولىگىمەن بەتپە-بەت سوقتىعىسقان», دەپ حابارلادى پوليتسيا قىزمەتكەرلەرى.
جول اپاتى سالدارىنان Volkswagen كولىگى جۇرگىزۋشىسىمەن بىرگە ورتەنىپ كەتكەن. سونىمەن قاتار Subaru كولىگىنىڭ جولاۋشىسى وقيعا ورنىندا كوز جۇمعان.
انىقتالعانداي, Subaru كولىگىنىڭ جۇرگىزۋشىسى مەن ءۇش جولاۋشىسى ءتۇرلى دەنە جاراقاتتارىمەن اۋرۋحاناعا جەتكىزىلگەن.
قازىر جول-كولىك وقيعاسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
