مەكتەپ ۇجىمىن, شاكىرتتەردى جاڭا وقۋ جىلىمەن قۇتتىقتاعان دەپارتامەنت باسشىسى وقۋشىلارعا ساتتىلىك تىلەي وتىرىپ, قۇقىق بۇزۋشىلىقتارعا جول بەرمەي, جول قوزعالىسى ەرەجەلەرىن قاتاڭ ساقتاۋعا شاقىردى.
- «وقۋشىلار اراسىندا جابىرلەۋ-بۋللينگ دەگەن پروبلەما بار. بۇل ءار ءتۇرلى سيپاتتا بولادى, ونىڭ سالدارى سۋيتسيدكە اكەلۋى مۇمكىن. 12-دەن 16 جاسقا دەيىنگى بالالار بۋللينگ جاساسا, ونىڭ زاڭدى وكىلى اكىمشىلىك جاۋاپقا تارتىلادى. ال 16-دان 18 جاسقا دەيىنگى بالالار جاساسا, وزدەرى جاۋاپقا تارتىلادى. مۇنداي ارەكەتكە جول بەرمەڭىزدەر. ۇلكەندەر, كىشىلەردى قورعاپ جۇرىڭدەر. مەكتەپ اكىمشىلىگىنەن وسى ماسەلەنى باقىلاۋعا الۋدى سۇرايمىن, - دەدى ارمان ورازاليەۆ.
پوليتسيا باستىعى ءتۇرلى ينتەرنەت جەلىسىندە كامەلەتكە تولماعانداردى ەسىرتكى تاراتۋعا شاقىرعان حابارلاندىرۋ كوبەيگەنىن ايتىپ, اتا-انالارعا بالانىڭ الەۋمەتتىك جەلىدەگى ءىس-ارەكەتىنە ۇنەمى باقىلاۋ جاساپ وتىرۋىن سۇرادى. «مۇنداي ارەكەت ءۇشىن قىلمىستىق جاۋاپكەرشىلىك 14 جاستان باستاپ كوزدەلگەن, سوت پراكتيكاسى بويىنشا 7 جىلعا دەيىن باس بوستاندىعىنان ايىرۋ جازاسى قاراستىرىلعان. قازىر ءبىز «ورال – ەسىرتكىسىز قالا» دەپ اتالاتىن جاڭا جوبا بويىنشا جۇمىس باستادىق. بۇل جۇمىسقا بارلىق مۇددەلى ۇيىمداردى جۇمىلدىردىق. بالالار, اسىرەسە جوعارى سىنىپ وقۋشىلارى, قۇمار ويىنعا اۋەس بولماڭىزدار!» دەدى پوليتسيا باستىعى.
پوليتسيا پولكوۆنيگى ءوز سوزىندە سكۋتەر باسقارۋ بويىنشا زاڭنىڭ كۇشىنە ەنگەنىن ايتىپ, وسى كولىك ءتۇرىن قولدانۋدا جول قوزعالىسى ەرەجەسىن بۇزعانى ءۇشىن اكىمشىلىك جاۋاپكەرشىلىك قاراستىرىلعانىن ەسكەرتتى.
بالا قاۋىپسىزدىگى ارقاشان پوليتسيانىڭ باستى نازارىندا. 1 قىركۇيەك – ءبىلىم كۇنى پوليتسيا قىزمەتى كۇشەيتىلگەن كەستەگە كوشتىپ. باتىس قازاقستان وبلىسىندا بارلىق وقۋ ۇيىمدارىندا قاۋىپسىزدىكتى قامتاماسىز ەتۋ ءۇشىن 539 قىزمەتكەر جانە 120 اۆتوكولىك جۇمىلعان.
باتىس قازاقستان وبلىسى
