فوتو: اشىق دەرەككوز
«قۇرمەتتى ساربازدار مەن ماتروستار, سەرجانتتار مەن ستارشينالار, وفيتسەرلەر مەن گەنەرالدار! ارداقتى ارداگەرلەر!
قادىرلى وتانداستار! سىزدەردى كونستيتۋتسيا كۇنىمەن قۇتتىقتايمىن!
وسىدان جيىرما توعىز جىل بۇرىن رەسپۋبليكالىق رەفەرەندۋمدا قازاقستان حالقى جاڭا اتا زاڭعا داۋىس بەرىپ, ىرگەسى مىقتى قۇقىقتىق, دەموكراتيالىق جانە الەۋمەتتىك مەملەكەتتى قۇرۋ جولىندا تاريحي قادام جاسادى.
اتا زاڭدا قازاقستاندىق قوعامنىڭ ماتەريالدىق جانە رۋحاني ءومىرىن جاڭعىرتۋدىڭ ستراتەگيالىق ماقساتتارى مەن مىندەتتەرىن جۇزەگە اسىرۋعا مۇمكىندىك بەرەتىن قوعام مەن مەملەكەتتى ۇيىمداستىرۋدىڭ باستى قاعيداتتارى بەكىتىلگەن. كونستيتۋتسيا حالىقتىڭ بىرلىگىن, قوعامدىق جانە رۋحاني كەلىسىمىن نىعايتىپ, ەگەمەندىك پەن ساياسي تۇراقتىلىقتىڭ كەپىلىنە اينالدى.ىرگەسى بەرىك جانە شەكاراسى مىعىم مەملەكەت قۇرۋ ءۇشىن قاشاندا قارۋلى كۇشتەردىڭ ءرولى زور.
قازىرگى ۋاقىتتا اسكەرىمىز ەلىمىزدى سىرتقى قاۋىپتەردەن قورعاۋدىڭ جانە حالقىمىزدىڭ تىنىشتىعىن ساقتاۋدىڭ كەپىلى.
ەل پرەزيدەنتى – قارۋلى كۇشتەردىڭ جوعارعى باس قولباسشىسى ق.ك. توقاەۆ جوعارى حالىقارالىق ستاندارتتارعا ساي كەلەتىن زاماناۋي جانە كاسىبي ارميا قۇرۋعا بار كۇش-جىگەردى باعىتتاۋدا.
بۇگىندە قارۋلى كۇشتەر زاماناۋي تەحنيكامەن, ونىڭ ىشىندە وتاندىق قورعانىس ونەركاسىپ كەشەنى ونىمدەرىمەن دە جاراقتاندىرىلۋدا. باسقارۋ جۇيەسىنە جاڭا تەحنولوگيالار مەن باسقارۋدىڭ جاڭا جۇيەلەرى بەلسەندى تۇردە ەنگىزىلىپ جاتىر. اسكەردى دايارلاۋدىڭ قارقىنى مەن ساپاسى ارتىپ كەلەدى. قازاقستان جاۋىنگەرلەرى حالىقارالىق وقۋ-جاتتىعۋلار مەن جارىستاردا جوعارى كاسىبي دەڭگەيىن كورسەتىپ ءجۇر.
قارۋلى كۇشتەردىڭ بارلىق جەكە قۇرامىن, ارداگەرلەردى جانە بارلىق قازاقستاندىقتاردى كونستيتۋتسيا كۇنىمەن شىن جۇرەكتەن قۇتتىقتايمىن!
بارشاڭىزعا زور دەنساۋلىق پەن وتباسىلارىڭىزعا اماندىق تىلەيمىن. ەلىمىزدىڭ گۇلدەنىپ, وركەندەۋى جولىندا جاساپ جاتقان يگى ىستەرىڭىز بەرەكەلى بولسىن», دەلىنگەن قۇتتىقتاۋدا.
