فوتو: inform.kz
«قۇرمەتتى وتانداستار!
بارشاڭىزدى ەلىمىزدىڭ مەرەيلى مەرەكەسى – كونستيتۋتسيا كۇنىمەن شىن جۇرەكتەن قۇتتىقتايمىن!
كونستيتۋتسيا – ەلىمىزدىڭ اتا زاڭى, مەملەكەتتىلىگىمىزدىڭ مىزعىماس تۇعىرى. بايتاق وتانىمىزدىڭ باياندى دامۋىن, قوعامدىق قۇرىلىسى مەن باستى ۇستانىمدارىن ايقىندايتىن قاستەرلى قۇجاتى.
ەلدىگىمىزدىڭ التىن ارقاۋىنا اينالعان اتا زاڭنان باستاۋ العان سان-سالالى زاڭناما مەملەكەتىمىزدىڭ دامىلسىز دامۋىنا, ۇزدىكسىز وسۋىنە ۇدايى جول اشىپ كەلەدى. ەل پرەزيدەنتى قاسىم-جومارت توقاەۆتىڭ زامان سۇرانىسىنا ساي جۇرگىزگەن كونستيتۋتسيالىق رەفورمالارى بۇگىندە ءوز جەمىسىن بەرىپ وتىر. بۇل بارشاعا بىردەي مۇمكىندىك ۇسىنىپ, ءاربىر ازاماتتىڭ قۇقىعى قورعالاتىن ادىلەتتى قازاقستاندى قۇرۋعا بەرىك نەگىز قالادى.
ايگىلى عۇلاما ءجۇسىپ بالاساعۇن ايتقانداي, ء«ادىل زاڭ – تىرەگىڭ». اتا زاڭىمىز ەلدىك پەن ادىلەتتىلىكتىڭ تىرەگى بولىپ, ءاردايىم مەملەكەتىمىزدىڭ ايبىنى مەن ابىرويىن اسقاقتاتا بەرسىن.
ەلىمىز امان, جۇرتىمىز تىنىش بولسىن!», دەلىنگەن قۇتتىقتاۋدا.
