مانەتت بەيلي ەسىمدى كەيۋانا وسى كۇندى اسىعا كۇتكەن. «ادامدار ارقاشان جاڭا نارسەنى ىزدەۋى كەرەك. ماسەلەن, مەن ەكى جىل بۇرىن, ياعني 100 جاسقا تولعان شاعىمدا «فەرراري» كولىگىمەن ساعاتىنا 209 شاقىرىم جىلدامدىقپەن سيلۆەرستوۋن تاسجولىن ءجۇرىپ ءوتتىم. دەسانتشىنىڭ ايەلى بولسام دا, پاراشيۋتپەن سەكىرگەن ەمەسپىن. مىنە, بۇگىن تاعى ءبىر ارمانىم ورىندالدى. ايتارىم, 80 جاستان كەيىن دە ءونىمدى ءھام كوڭىلدى ءومىر سۇرىڭىزدەر», دەيدى ول.
مايتالماندار مونەتاسى
ەلىمىزدىڭ ۇلتتىق بانكى «ەستە قالاتىن وقيعالار مەن ءبىرتۋار ادامدار» سەرياسىمەن «raqymjan qoshqarbaev. 100 jyl» جانە «kemel aqyshev. 100 jyl» كوللەكتسيالىق مونەتالارىن اينالىمعا شىعارادى.
مونەتالار مەلحيور قوسپاسىنان (من 25) جاسالدى, ماسساسى – 15 گرامم, ديامەترى – 33 مم, دايىنداۋ ساپاسى – brilliant uncirculated, نومينالى – 200 تەڭگەلىك, تارالىمى – 5 000 دانا. ولاردى kazcoins.nationalbank.kz ينتەرنەت-دۇكەنى ارقىلى ساتىپ الۋعا بولادى. ايتا كەتەيىك, مونەتانىڭ بارلىق ءتۇرىن ەلىمىزدىڭ بۇكىل اۋماعىندا ءوزىنىڭ بەلگىلەنگەن قۇنىمەن تولەمنىڭ كەز كەلگەن تۇرىندە قابىلداۋعا, بانك شوتتارىنا ەسەپكە الۋعا, اۋدارۋعا, ۇساقتاۋعا جانە ايىرباستاۋعا بولادى.
تاۋەكەلشىل تالانت
اكروبات عالىمجان اۋەسباي 9 ورىندىقتىڭ كومەگىمەن 3 200 مەتر بيىكتىكتى باعىندىردى. ياعني ول شىمبۇلاقتاعى شىڭ باسىندا ەكسترەمالدى ءادىس جاساپ, جۇرتتى تاڭعالدىردى.
بويداعى بار مۇمكىندىگىن كورسەتۋدى ماقسات ەتكەن اكروباتتىڭ وسى ونەرمەن اينالىسىپ كەلە جاتقانىنا 11 جىل بولىپتى. ول بۇعان دەيىن قىتايداعى تالانتتار شوۋىنىڭ فينالىنا شىعىپ, يتاليادا وتكەن حالىقارالىق سايىستا باس جۇلدەنى جەڭىپ العان. «بارلىق ورىندىعىمنىڭ سىزباسىن سالدىرىپ, ارنايى دايىنداتتىم. ويتكەنى مۇنى باسقا ورىندىقپەن جاساۋعا بولمايدى. كەيىنگى ءۇش جىلدا انگليادا جاتتىقتىم. قولىمنان كەلەتىن دۇنيەلەر ىشتە قالىپ كەتپەي, بارشاعا كورىنۋ كەرەك دەپ ويلايمىن. وزىمە ءجۇز پايىز سەنىمدى بولعان كەزدە عانا ونەر كورسەتەمىن», دەيدى ول.
