فوتو: قورعانىس مينيسترلىگى
جاۋىنگەرلىك دايىندىق اباي, الماتى, جامبىل, شىعىس قازاقستان, جەتىسۋ وبلىستارىنىڭ اۋماعى بويىنشا كۇشتەر مەن اسكەري تەحنيكالىق قۇرالدارىنىڭ قوزعالىسىمەن جالعاسادى. ياعني, كۇشتەر مەن تەحنيكا وقۋ-جاۋىنگەرلىك مىندەتتەردى پىسىقتاۋ ماقساتىندا بيىلعى جىلدىڭ 26 تامىزىنان باستاپ بولىمشەلەر تەمىرجول جانە اۆتوكولىك جولىمەن مارش جاسايدى. سودان كەيىن تۇراقتى ورنالاسۋ پۋنكتتەرىنە كەرى ورالادى.
«كورسەتىلگەن ۋاقىت كەزەڭىندە ەلىمىزدىڭ جەكەلەگەن اۋداندارىندا شەكتەۋ شارالارى ەنگىزىلۋى مۇمكىن. وسىعان بايلانىستى ەل تۇرعىندارىنان قاۋەسەتكە كوڭىل اۋدارماي, تەك رەسمي اقپارات كوزدەرىنە سەنۋدى سۇرايمىز», دەلىنگەن قورعانىس مينيسترلىگىنىڭ حابارلاماسىندا.
