فوتو: akorda.kz
جيىندا مەملەكەتتىك كەڭەسشىگە عىلىم جانە جوعارى ءبىلىم ۆيتسە-ءمينيسترى دارحان احمەد-زاكي جانە تومداردىڭ جەتەكشىلەرى مەن رەداكتورلارى – ءا. مارعۇلان اتىنداعى ارحەولوگيا ينستيتۋتىنىڭ ديرەكتورى اقان وڭعار, ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ باس عىلىمي قىزمەتكەرى بولات كومەكوۆ, جوشى ۇلىسىن زەرتتەۋ ينستيتۋتىنىڭ ديرەكتورى جاقسىلىق ءسابيتوۆ, ر. سۇلەيمەنوۆ اتىنداعى شىعىستانۋ ينستيتۋتى جانىنداعى تاريحي ماتەريالداردى زەرتتەۋ رەسپۋبليكالىق اقپاراتتىق ورتالىعىنىڭ ديرەكتورى مەرۋەرت ابۋسەيىتوۆا, ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ باس ديرەكتورى زيابەك قابىلدينوۆ, ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ باس ديرەكتورىنىڭ ورىنباسارى شامەك تىلەۋباەۆ, مەملەكەت تاريحى ينستيتۋتى ديرەكتورىنىڭ ورىنباسارى بۇركىتباي اياعان عىلىمي باسىلىمنىڭ دايىندالۋ بارىسى تۋرالى باياندادى.
تالقىلاۋعا مادەنيەت جانە اقپارات مينيسترلىگىنىڭ سونداي-اق رەسپۋبليكالىق جانە ايماقتىق ارحيۆتەر مەن مۋزەيلەردىڭ وكىلدەرى قاتىستى.
كەزدەسۋ بارىسىندا ەرلان قارين كوپتومدىقتىڭ مازمۇنىن رەسپۋبليكالىق جانە ولكەتانۋ مۋزەيلەرىنەن الىنعان ساپالى عىلىمي كورنەكى ماتەريالدارمەن, تاريحي كارتالارمەن, ارحيۆ قۇجاتتارىنىڭ فوتوكوشىرمەلەرىمەن جانە باسقا دا قۇجاتتارمەن تولىقتىرۋ قاجەت ەكەنىن ايتتى.
جيىن cوڭىندا مەملەكەتتىك كەڭەسشى بارلىق مەكتەپ جانە ۋنيۆەرسيتەت باعدارلامالارىنا, وقۋلىقتار مەن وقۋ قۇرالدارىنا ارقاۋ بولاتىن قازاقستان تاريحى اكادەميالىق باسىلىمىنىڭ ماڭىزىن ەرەكشە اتاپ ءوتتى.
