فوتو: baq.kz
بيىلعى كوكتەمدەگى سۋ تاسقىنى شارۋالاردى ۇلكەن ابىگەرگە سالدى. ەلدى مەكەندەردى سۋ باسۋ قاۋپىنەن ساقتاۋ ءۇشىن اتىراۋدان جايىق وزەنىنىڭ قوس جاعالاۋىمەن قاتىنايتىن جولدى بىرنەشە تۇسىنان جارۋعا تۋرا كەلدى. جايىقتىڭ ەرنەۋىنەن اسىپ, جازىققا جايىلعان سۋ شارۋالاردىڭ ەگىن القابىن باستى.
وسىنىڭ ءبارى اۋدان تۇرعىندارىن, اسىرەسە شارۋالاردى الاڭداتادى. كوكونىس, باقشا داقىلدارىن ەگەتىن شارۋالاردىڭ كاسىبىن وركەندەتۋ ءۇشىن بانكتەن نەسيە العان. وسىعان بايلانىستى ءماجىلىس دەپۋتاتى كوكتەمگى سۋ تاسقىنىنان زارداپ شەككەن تۇرعىنداردى تولعاندىرىپ وتىرعان ماسەلەلەرگە نازار اۋداردى. سۋ تاسقىنىنان كەيىنگى قالپىنا كەلتىرۋ جۇمىستارىنا بارىنشا كومەك كورسەتىلەتىنىن اتاپ ءوتتى.
قازىر ماحامبەت اۋدانىنداعى ورمان جانە جانۋارلار دۇنيەسىن قورعاۋ مەكەمەسىندە «اۋىل» پارتياسىنىڭ 29 مۇشەسى بار. ولار ۇجىمدا پارتيانىڭ باستاۋىش ۇيىمىن قۇرىپتى. ءماجىلىس دەپۋتاتى اناس باققوجاەۆ باستاۋىش ۇيىمنىڭ جينالىسىنا قاتىستى.
«پرەزيدەنتتىڭ باستاماسىمەن ورمان شارۋاشىلىعى قىزمەتكەرلەرىنىڭ جالاقىسى ءوستى. باسقا دا ماسەلەلەردى شەشۋگە قارجى قاراستىرىلدى. ورمان قورىن تولىقتىرىپ, قورعايتىن ورمانشىلاردىڭ جۇمىسى ءوز دەڭگەيىندە باعالانا باستادى. قازىر بۇل سالا بارلىق قاجەتتى تەحنيكامەن, ءورت ءسوندىرۋ دەپوسىمەن قامتاماسىز ەتىلدى. ەندى ورمانشىلاردان ساپالى جۇمىس كۇتەمىز», دەدى دەپۋتات.
اتىراۋ وبلىسى
