فوتو:قر ءىىم
وقيعا قوستاناي وبلىسىنىڭ دەنيسوۆسكي اۋدانىندا بولدى. پوليتسيا كاپيتانى 2022 جىلدىڭ قازان ايىنان 2023 جىلدىڭ ماۋسىم ايىنا دەيىن اۋىلداستارىن ءتۇرلى سىلتاۋلارمەن ەكىنشى دەڭگەيلى بانكتەردەن نەسيە الۋعا كوندىرگەن. ەر ادام بار اقشاسىن لوتەرەيا كلۋبىنداعى ستاۆكالار مەن ويىندارعا جۇمساعان.
كەلتىرىلگەن شىعىن كولەمى 31 ميلليون تەڭگەدەن اسادى.
سوتتالۋشى ءوز كىناسىن مويىنداپ, جاساعان قىلمىسىنا وكىنەتىنىن اتاپ ءوتتى. دەسە دە, ءىس بويىنشا جابىرلەنۋشىلەردىڭ كوپشىلىگى سوتتان ونى باس بوستاندىعىنان ايىرماۋدى سۇراعان.
ناتيجەسىندە سوت ونى 3 جىل 1 اي مەرزىمگە باس بوستاندىعىنان ايىرۋ جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا جۇيەسىندە وتەۋگە ۇكىم ەتتى. سونىمەن قاتار سوتتالۋشى قىزمەتىندەگى دارەجەسىنەن ايىرىلعان.
سوت ۇكىمى زاڭدى كۇشىنە ەنگەن جوق.
