فوتو: qazaqstan.tv
ەرماحان يبرايموۆ XXXIII جازعى وليمپيادا ويىندارىنداعى وزبەكستان بوكس قۇراماسى جەتكەن تولايىم تابىس قازاقستان تاريحىندا دا بولعانىن اتاپ ءوتتى. ول مۇنداي جەتىستىكتەر مەن توقىراۋ سپورتشىلار ساباقتاستىعىندا قالىپتاساتىن قۇبىلىس ەكەنىن قاپەرگە سالدى.
«قازىر وزبەكستاندا وليمپيادالىق شىڭىراۋ شەگى. بارلىق ايتۋلى سپورتشىلار ەكىنشى مارتە ءارتۇرلى سپورت بويىنشا ارەنادا. ءبىزدىڭ دە باسىمىزدان سونداي كەزەڭدەر وتكەن. كورشىلەرىمىز جەتكەن جەتىستىكتەرى ءۇشىن, سپورتتى دامىتۋدا مۇمكىندىكتى ءساتتى پايدالانا العانى ءۇشىن قۋانۋىمىز كەرەك. الەم ءبىر قالىپتا دامىمايدى – بۇل قالىپتاسقان زاڭدىلىق», دەپ جازدى ەرماحان يبرايموۆ ءىnstagram پاراقشاسىندا.
سيدنەي وليمپياداسىنىڭ چەمپيونى قازاقستان بوكسشىلارى وزدەرىنىڭ الەمدەگى الەۋەتتى بىلعارى قولعاپ شەبەرلەرى ەكەنىن لوس-اندجەلەستە دالەلدەيتىنىنە سەنىم ءبىلدىردى.
ء«بىر تسيكل عانا بويىنشا قازاقستاندى وزبەكستانمەن سالىستىرۋعا كەلمەيدى. ۇزاق جىلدار بويى جەتكەن جەتىستىكتەرگە دە قاراۋ كەرەك. قازاقستاندا قازىر ءىزباسارلار ساباقتاستىعى بەلسەندى الماسىپ, جاڭا ەسىمدەر پايدا بولىپ جاتىر. بۇل ءبىزدىڭ بولاشاق چەمپيوندارىمىزدىڭ تاجىريبە جيناقتاپ, ىرىكتەلەر كەزەڭى. لوس-اندجەلەستە تالاي جەڭىستەرگە قول جەتكىزەتىنىمىز ءسوزسىز», دەپ جازدى ە.يبرايموۆ.
