فوتو: ۇكىمەت
«2024 جىلدىڭ 1 جارتىجىلدىعىنىڭ قورىتىندىسى بويىنشا وتاندىق فارماتسەۆتيكالىق ءونىم ءوندىرۋ كولەمى 95 ملرد تەڭگەگە دەيىن ۇلعايدى, ءوسىم 14,5%-دى قۇرادى», دەدى اقمارال ءالنازاروۆا.
ءمينيستردىڭ ايتۋىنشا, بۇگىنگى تاڭدا 35 قازاقستاندىق وندىرۋشىمەن 4 مىڭعا جۋىق فارماتسەۆتيكالىق ءونىم ءتۇرىن جەتكىزۋگە 94 ۇزاق مەرزىمدى شارت جاسالعان. ءۇش جىل ىشىندە ۇزاق مەرزىمدى شارتتار شەڭبەرىندە تولىق كولەمگە كەزەڭ-كەزەڭمەن شىعۋ جوسپارلانعان.
سونداي-اق جىل سوڭىنا دەيىن وزگە 24 وتاندىق وندىرۋشىلەرمەن ۇزاق مەرزىمدى شارتتاردىڭ جاسالۋى ارقىلى 1 412 دارىلىك زاتتار مەن مەديتسينالىق بۇيىمداردىڭ جەتكىزىلۋى قاراستىرىلىپ جاتىر.
«دارىلىك زاتتاردى ساتىپ الۋ كەزىندە وتاندىق وندىرۋشىلەر ءۇشىن پرەفەرەنتسيالار بەلسەندى پايدالانىلادى. ماسەلەن, وسى تەتىكتى پايدالانا وتىرىپ, بيىلعى التى ايدا 29,5 ملرد تەڭگەگە 196 ءدارى-دارمەك تۇرلەرى جەتكىزىلدى», دەپ اتاپ ءوتتى اقمارال ءالنازاروۆا.
