- ۇلىتاۋ وبلىسىنىڭ بيۋدجەتى كولەمىندەگى قاراجات وسى بەس جىلدان از ۋاقىت ىشىندە نازارباەۆ زياتكەرلىك مەكتەپتەرىنە بولىنگەن. ونىڭ ىشىندە 22 ملرد تەڭگەدەن استام قاراجات تاجىريبەنى تاراتۋعا قارالعان. ستاتيستيكانى قالاي قاراساق تا, وكىنىشكە قاراي, ايتارلىقتاي وزگەرىس جوق. ونىڭ ۇستىنە, بۇل ءتىپتى مەملەكەتتىك جوسپارلاۋ جۇيەسى شەڭبەرىندە دە قامتىلماعان, - دەدى پالاتا توراعاسى ءاليحان سمايىلوۆ.
نزم وتكىزگەن ساتىپ الۋلار بويىنشا 10,5 ميلليارد (22 ميلليون دوللار) تەڭگەگە زاڭ بۇزۋشىلىق انىقتالدى. مىسالى, 1 ميلليارد تەڭگەدەن (2,09 ميلليون دوللار) استام سوماعا ءبىر كوزدەن ساتىپ الۋ ءتاسىلىن زاڭسىز قولدانۋ, وتىنىمدەردى نەگىزسىز جىبەرۋ نەمەسە قابىلداماۋ جانە تاعى باسقا جاعدايلار ورىن العان.
جالپى مەملەكەتتىك اۋديت مىنالاردى انىقتادى:
- 274,4 ملن تەڭگەگە (575,2 مىڭ دوللار) قارجىلىق زاڭ بۇزۋشىلىق;
- 8,3 ملرد تەڭگەگە (17,4 ملن دوللار) ءتيىمسىز جوسپارلاۋ;
- ءتيىمسىز پايدالانۋ – شامامەن 6 ملرد تەڭگە (12,5 ملن دوللار).
سونداي-اق 134 پروتسەستىك زاڭ بۇزۋشىلىق جانە 30 جۇيەلىك كەمشىلىك انىقتالدى.
تەكسەرۋ ءىس-شارالارىنىڭ قورىتىندىسى بويىنشا قۇقىق قورعاۋ ورگاندارىنا ءبىر ماتەريال, اكىمشىلىك قۇقىق بۇزۋشىلىق بەلگىلەرى بار تاعى ون فاكتى بويىنشا اكىمشىلىك ءىس قوزعاۋ ءۇشىن ۋاكىلەتتى ورگاندارعا جولداندى.
