1962 جىلى پويىز رەلستەن شىعىپ, مۇزدى وزەنگە قۇلاعان كەزدە 17 ادام قايتىس بولدى. بىراق فرانە جاعاعا ءجۇزىپ ۇلگەرىپ, امان قالادى. بىرەر جىلدان كەيىن ول مىنگەن ۇشاق ەسىگى اشىلىپ كەتىپ, 19 ادام مەرت بولدى. فرانە ءشوپ ۇيىندىسىنە قۇلاپ, تاعى دا امان قالدى. كەيىن ول وتىرعان اۆتوبۋس وزەنگە قۇلاپ, ءتورت ادام دۇنيەدەن ءوتتى. فرانەنى قۇداي تاعى دا ساقتاپ قالدى. تاعى بىردە جانارماي باگىنىڭ جارىلۋىنان بىرنەشە سەكۋند بۇرىن كەنەتتەن جانعان كولىكتەن شىعىپ ۇلگەردى. اقىرىندا, 2003 جىلى فرانك لوتەرەيا بيلەتىن ساتىپ الىپ, 600 مىڭ فۋنت ۇتىپ الدى.
BMW-ءنى قۇراستىراتىن روبوت
BMW كولىكتەرىن جاساۋعا ادام ءتارىزدى روبوت كومەكتەسىپ ءجۇر دەگەن حابار شىقتى.
ازىرگە سىناق رەتىندە قودانىلىپ جاتقان روبوتتار الەمدى شۋلاتتى. قازىر ولار كومپانيانىڭ اقش-تاعى زاۋىتىندا جۇمىس ىستەپ ءجۇر. ماماندار بۇل ادامعا ۇقساس روبوتتاردىڭ ەڭ جەتىلدىرىلگەن ءتۇرى ەكەنىن ايتادى. ءوزى يكەمدى, قاۋىپتى ءارى قيىن جۇمىستاردى جىلدام ورىندايدى. كەلەر جىلى «Tesla» كومپانياسى دا ءوزىنىڭ جەكە روبوتىن جاساپ شىعارماق.
تىگىنشى قۇس
سۋرەتتەن كورىپ تۇرعان قۇس ۇياسىن جاپىراقتاردى ءبىر-بىرىنە تىگۋ ارقىلى سالادى. بيولوگتەر ونى «تىگىنشى قۇس» دەپ اتاپ كەتكەن.
ازيا تروپيالىق ەلدەرىندە تۇراتىن بۇل قۇس ءبىر نەمەسە ەكى جاپىراقتان ۇيا جاساي الادى. ولاردىڭ شەتتەرىن تىگەدى. جاپىراقتىڭ جيەكتەرىنە ۇقىپپەن ادىپتەيدى. تۇمسىعىمەن وسىمدىك مامىعىن نەمەسە تور تالشىقتارىن وتكىزىپ, قاپتايدى. بيولوگ ەدۆارد ايتكەن تىگىنشىلەرگە ۇيا سالۋ ءۇشىن جاساندى ماقتا جىپتەرىن جاساپ بەردى.
