سيراكۋز ۋنيۆەرسيتەتىنىڭ عالىمى سەم مىرزا 2008 جىلى جەمىس اعاشتارى بار جەر ۋچاسكەسىن ساتىپ الدى. بەس جىل بويى «قىرىق جەمىس اعاشى» دەگەن تاجىريبە جاسادى. ۋنيۆەرسيتەت جانىندا ءوسىپ تۇرعان ءبىر اعاشقا ءارتۇرلى جەمىس اعاشتارىن بۋدانداستىردى. ەندى ونىڭ بۇتاقتارى كوكتەمنىڭ ءارتۇرلى كەزەڭدەرىندە گۇلدەيدى. ورىك, شابدالى, قارا ورىك, شيە, بادام جانە تاعى باسقاسى پىسەدى.
«اقىلدى» پروتەز
امەريكا عالىمدارى وي كۇشىمەن باسقارىلاتىن پروتەز ويلاپ تاپتى.
ماسساچۋسەتس تەحنولوگيا ينستيتۋتىنىڭ زەرتتەۋشىلەرى تابيعي جولمەن, قالىپتى جىلدامدىقپەن جۇرۋگە مۇمكىندىك بەرەتىن رەۆوليۋتسيالىق پروتەز جاساپ شىعاردى. مۇنى «ۆۆس» حابارلادى. بيونيكالىق اياق يەسىنىڭ مي بەلسەندىلىگىن ارتتىرىپ, قوزعالىستى باسقاراتىن ماڭىزدى بۇلشىق ەتتەردەگى نەرۆتەرمەن بايلانىستىرادى. كەيىن بۇلشىق ەتتەگى ارنايى قوندىرعى روبوت-باقىلاۋشىعا سيگنال جىبەرەدى, ال ول «اقىلدى» پروتەزگە اياقتى قانشالىقتى بۇگۋ كەرەگىن جانە ءجۇرۋ كەزىندە قانداي كۇش قولدانۋ كەرەگىن ەسەپتەۋگە مۇمكىندىك بەرەدى.
ءبىر دانا گازەت
كۇنىنە قانشاما دانامەن تالاي گازەت شىعادى. ال 1932 جىلى ءبىر گازەت ءبىر عانا دانامەن شىعىپتى. قىزىق.
پورتۋگاليانىڭ پرەمەر-ءمينيسترى, ءىس جۇزىندە ديكتاتورى بولعان انتونيو دي سالازار 1968 جىلى سىرقاتتانىپ, اۋرۋحاناعا تۇسەدى. ول بىرنەشە كۇن كومادا جاتقاندا, پرەزيدەنت وكىلەتتىگىن پايدالانىپ, باسقا پرەمەر-ءمينيستردى تاعايىنداپ جىبەرەدى. سالازار ەسىن جيعان كەزدە, جاقىندارى ونى شوشىتىپ المايىق دەپ, جاڭالىقتى ايتپايدى. وعان «Diário de Notícias» گازەتىن ارنايى شىعارىپ, وزىنە عانا بەيىمدەپ, ءبىر داناسىن اكەلىپ تۇرادى. ءبىر قىزىعى, قايتىس بولعانعا دەيىن ەكى جىل بويى بۇرىنعى قىزمەتكەرلەرى بايانداما اكەلىپ, اقىل-كەڭەس سۇراپ تۇرعان دەسەدى.
