75 كيلو سالماقتا ونەر كورسەتكەن سپورتشى جەكپە-جەكتىڭ بۇل تۇرىمەن 32 جىلدان بەرى اينالىسىپ كەلەدى. ءبىرىنشى جارىس كۇنىنىڭ قورىتىندىسى بويىنشا ءوز جاسى مەن سالماعىنا بايلانىستى ونەر كورسەتكەن 15 وتانداسىمىز چەمپيون بولدى. تاعى 36 سپورتشى كۇمىس پەن قولا الدى. ەسكە سالا كەتەيىك, جاقسىلىق ۇشكەمپىروۆ اتىنداعى جەكپە-جەك سارايىندا كيوكۋشينكاي-كاراتەدەن بالالار مەن جاسوسپىرىمدەر اراسىنداعى 4-الەم چەمپيوناتى وتكەن ەدى.
يلوننىڭ ەكىنشى ءچيپى
«Neuralink» ءوزىنىڭ مي ءچيپىن ەكىنشى ادامعا ءساتتى يمپلانتاتسيالادى. بۇل تۋرالى كومپانيا يەسى يلون ماسك ايتتى.
قازىر «Neuralink» ج ۇلىن جاراقاتتارى بار ادامدارعا كومەكتەسۋگە ارنالعان قۇرىلعىسىن سىناپ جاتقانىن بىلەمىز. ءبىرىنشى چيپ ورناتىلعان اربو قۇرىلعىنىڭ كومەگىمەن بەينەويىندار ويناۋعا, ينتەرنەتتى شولۋعا, نوۋتبۋكتا كۋرسوردى جىلجىتۋعا شاماسى جەتكەن-تۇعىن. ال ەكىنشى ناۋقاس تۋرالى مالىمەت از. ماسك بۇل ادامنىڭ ج ۇلىن جاراقاتى بار ەكەنىن, ۇدەرىستىڭ ءساتتى وتكەنىن عانا ايتتى. «Neuralink» بيىل تاعى سەگىز ادامعا كلينيكالىق يمپلانت سالماقشى.
تىك كوگال
ۇلىبريتانيا عالىمدارى «تىك كوگال» جوباسىن باستادى.
ۇلىبريتانيادا ءاربىر التىنشى وسىمدىك جويىلىپ كەتۋ قاۋپىندە تۇر. سول سەبەپتى دە جەرگىلىكتى ەكولوگتەر «تىك كوگال» اتتى تىڭ جوبانى قولعا العان. ول وسىمدىكتەردى عانا ەمەس, جانۋارلاردى دا ساقتاپ قالۋعا كومەكتەسەدى. ەكولوگيالىق جاعىنان ءتيىمدى كوگال كومىرتەكتى كوبىرەك ءسىڭىرىپ, اۋانى تازارتادى. ىستىقتى باسادى. قالانىڭ كوركىن اشادى. ءارى ورىندى از الادى. بۇل تۋرالى «بۇرىندارى جارناما تاقتالارىنىڭ استىندا بوس كەڭىستىك قالىپ قوياتىن. قازىر ونى جاسىل قابىرعالارمەن تولتىردىق. دەمەك ەندى وسىمدىكتەردى ەگەتىن ورىن ىزدەپ الەك بولمايمىز», دەيدى جوبا اۆتورى اليستەر لوۋ.
