«جىلجىمالى كىتاپحانا» جوباسىنىڭ ماقساتى – كىتاپحانادان تىس وقىرماندارعا قىزمەت كورسەتۋ, وقىرماندارعا سارالاپ قىزمەت كورسەتۋگە ارنالعان ولاردىڭ سۇرانىستارىن قاناعاتتاندىرۋ جانە كىتاپحانا قىزمەتتەرى مەن كىتاپتى پايدالانۋ ارقىلى حالىقتى تارتۋ.
جىلجىمالى كىتاپحانا اۋدان تۇرعىندارىمەن, مەكەمەلەرىمەن, قاريالارمەن تىعىز قارىم-قاتىناستا جۇمىس جاسايدى. كىتاپحاناشىلار ءار ون كۇن سايىن قورداعى كىتاپتاردى اپارىپ, الماستىرىپ وتىرادى. قازىرگى ۋاقىتتا كوركەم ادەبيەتتەر وقىرمانداردىڭ سۇرانىسىنا يە بولىپ تابىلادى جانە ءار ءۇي وتباسىمەن وقيدى. كىتاپحاناشىلار مەكەمەلەرگە «كىتاپحانادان نە الىپ وقۋعا بولادى؟» دەگەن ۇسىنىستارىمەن, ادەبيەتتەر شولۋىمەن جانە ارينە, كىتاپپەن بارادى.
جىلجىمالى كىتاپحانا جۇمىسىنىڭ جوسپارىندا ادەبيەتتەردى مەكەمەلەرگە اپارۋ, ءىس-شارالاردى ۇيىمداستىرۋ, مەرزىمدى باسىلىمدارمەن تانىستىرۋ, وقىرمانداردىڭ تاپسىرىستارى بويىنشا جۇمىستار بار. ابونەمەنت كىتاپحاناشىلارى كىتاپ بارىنشا وقىرمانعا جاقىن بولۋ ءۇشىن قامقورلىق ەتەدى, سونداي-اق وقىرمانداردىڭ سۇرانىسىنا قاجەتتى ادەبيەتتەردى جيناقتايدى. وسىنداي قىزمەت تۇرىنە اۋدانىمىزداعى «بەلسەندى ۇزاق ءومىر ءسۇرۋ ورتالىعى», «جۇمىسپەن قامتۋ ورتالىعى», ء«بورلى اۋداندىق اۋرۋحاناسىنىڭ ەمحاناسى», «نۇرداۋلەت» بيزنەس ورتالىعى جانە تاعى دا باسقا ورتالىقتاردىڭ قىزمەتكەرلەرى قول جەتكىزدى. كوپشىلىكتىڭ كىتاپقا دەگەن ىنتاسى زور ەكەنى بايقالادى. ويتكەنى كوپتەگەن كىتاپتى سول جەردەن ءوز اتتارىنا جازدىرىپ, ۇيىنە وقۋعا الادى. ءيا, شىندىعىندا كۇندەلىكتى تىرشىلىكتە جۇمىستان قولى تيە بەرمەيتىن, كىتاپ وقۋعا ىنتاسى بولسا دا, كىتاپحاناعا كەلۋگە مۇمكىندىگى جوق كوپشىلىك ءۇشىن كىتاپحانا قىزمەتكەرلەرى جىلجىمالى كىتاپحانا جوباسىنىڭ جۇمىسى باعىتىندا الداعى ۋاقىتتا دا بارلىق مەكەمەگە ۇيىمداستىرۋدى قولعا الىپ وتىر.
جانار نياروۆا,
كىتاپحانا ءىسىن دامىتۋ ءبولىمىنىڭ ادىسكەرى
باتىس قازاقستان وبلىسى
