2019 جىلدان باستاۋ العان بۇل باعدارلاما جىل سايىن گرانت سانىن كوبەيتىپ كەلەدى. ماسەلەن, بيىل ەلىمىزدىڭ جوعارى وقۋ ورىندارىنا ءتۇسۋ ءۇشىن شەتەل ازاماتتارىنا 550 گرانتتىق ورىن تاعايىندالدى. اتالعان باعدارلاماعا شەتەل ازاماتتارى, ونىڭ ىشىندە قازاقستان ازاماتتىعى جوق ەتنوستىق قازاقتار قاتىسا الادى.
بۇل ستيپەنديالىق جوبا ەلىمىزدىڭ باسقا مەملەكەتتەرمەن ءبىلىم بەرۋ بايلانىسىن نىعايتۋعا باعىتتالعان. 2024 جىلى 83 ەلدەن 11 293 ءوتىنىم كەلىپ تۇسكەن. بۇل اتالعان باعدارلاماعا دەگەن قىزىعۋشىلىقتىڭ جىل سايىن ارتىپ كەلە جاتقانىن كورسەتەدى.
شەتەل ازاماتتارىنا ارنالعان 550 گرانتتىق ورىننىڭ ىشىنەن: 490 ورىن – باكالاۆريات باعدارلاماسى ءۇشىن; 50 ورىن – ماگيستراتۋرا باعدارلاماسى ءۇشىن; 10 ورىن دوكتورانتۋرا باعدارلاماسى ءۇشىن ءبولىندى. باعدارلاما اياسىندا تەگىن ءبىلىم بەرۋ مەن ءبىلىم الۋشىنىڭ اكادەميالىق جەتىستىكتەرىنە بايلانىستى اي سايىن ستيپەنديا تولەنەدى.
ساراپتاما كوميسسياسىنىڭ مۇشەلەرىمەن اڭگىمەلەسۋ قورىتىندىسى بويىنشا ستيپەندياتتاردى ىرىكتەۋ جونىندەگى كونكۋرستىق كوميسسيانىڭ قاراۋىنا «دوكتورانتۋرا» باعدارلاماسى بويىنشا – 56 ۇمىتكەر, «ماگيستراتۋرا» باعدارلاماسى بويىنشا – 286 ۇمىتكەر, «باكالاۆريات» باعدارلاماسى بويىنشا 1 914 ۇمىتكەر جىبەرىلدى. ۇمىتكەرلەر جوعارى اكادەميالىق كورسەتكىشتەرگە قاراپ ىرىكتەلەدى.
