فوتو: قورعانىس مينيسترلىگى
كوماندا قۇرامىندا قازاقستان دزيۋدوشىسى, 2021 جىلعى الەم چەمپيوناتىنىڭ كۇمىس جۇلدەگەرى, 2019 جانە 2022 جىلدارداعى ازيا چەمپيوناتتارىنىڭ قولا جۇلدەگەرى, وليمپيادانىڭ قولا جۇلدەگەرى عۇسمان قىرعىزباەۆ بار.
ايتا كەتەيىك, اعا لەيتەنانت عۇسمان قىرعىزباەۆ - قورعانىس مينيسترلىگى ورتالىق سپورت كلۋبىنىڭ اسكەري قىزمەتشىسى.
«وتان الدىنداعى ەرەكشە ەڭبەگى, دەنە تاربيەسى مەن سپورتتى دامىتۋعا قوسقان زور ۇلەسى, جوعارى جەتىستىكتەرى جانە كاسىبيلىگى ءۇشىن عۇسمانعا جانە ونىڭ ەگىز سىڭارى, ورتالىق سپورت كلۋبى دزيۋدودان كوماندانىڭ بولىمشە باستىعى - اعا جاتتىقتىرۋشىسى عۇمار قىرعىزباەۆقا قازاقستان رەسپۋبليكاسى قورعانىس ءمينيسترىنىڭ بۇيرىعىمەن كەزەكتى «كاپيتان» اسكەري اتاعى مەرزىمىنەن بۇرىن بەرىلەدى», دەپ مالىمدەدى قورعانىس مينيسترلىگىنىڭ ءباسپاسوز قىزمەتى.
ەستەرىڭىزگە سالا كەتەيىك, 66 كگ سالماق دارەجەسىندە سىنعا تۇسكەن دزيۋدوشى عۇسمان قىرعىزباەۆ سەربيادان كەلگەن سپورتشى ستراحينيا ءبۋنچيچتى جەڭىپ, قولا مەدال جەڭىپ العان ەدى.
