فوتو:جامبىل وبلىسى پد
«الماتى-ەكاتەرينبۋرگ» تاس جولىندا «قاراسورا-2024» جەدەل-پروفيلاكتيكالىق ءىس-شاراسى جۇرگىزىلىپ, پاترۋلدىك پوليتسيا قىزمەتكەرلەرى كينولوگتارمەن بىرگە Lexus ES 350 كولىگىن توقتاتقان. جۇرگىزۋشىنىڭ قۇجاتتارىن تەكسەرۋ كەزىندە جولاۋشى كولىككە بەنزين شاشىپ, ورتەپ جىبەرمەك بولعان. الايدا ءورتتى پوليتسيا قىزمەتكەرلەرى دەر كەزىندە ءسوندىرىپ ۇلگەرگەن.
«اتالعان كولىكتى لەتتي اتتى قىزمەتتىك-ىزدەستىرۋ يتىمەن تەكسەرۋ كەزىندە ارتقى جۇك سالعىشىنان 4 پوليەتيلەندىك قاپشىققا ورالعان وتكىر ءيىستى, ەسىرتكىگە ۇقساس زات تابىلىپ, تاركىلەندى. ساراپتاما قورىتىندىسىنا سايكەس تاركىلەنگەن زات سالماعى 105 كەلىگە جۋىق كەپتىرىلگەن ماريحۋانا ەكەنى انىقتالدى», دەپ حابارلادى جامبىل وبلىسىنىڭ پد ءباسپاسوز قىزمەتى.
اتالعان فاكتىگە بايلانىستى قىلمىستىق ءىس قوزعالىپ, كۇدىكتىلەر شۋ قالاسىنىڭ ۋاقىتشا ۇستاۋ يزولياتورىنا قاماۋعا الىندى.
