فوتو:اشىق دەرەككوز
ايتا كەتەيىك, ءبىر جىل ىشىندە ەلىمىزدە اۋاعا 2,2 ميلليون توننا لاستاۋشى زاتتار شىعارىلعان.
2023 جىلى قازاقستاندا بارلىق لاستاۋشى كوزدەردەن تۇزىلەتىن شىعارىندىلاردىڭ جالپى كولەمى 32,3 ملن توننانى قۇراعان. سول كەزدە ەلىمىزدە ءدال وسى زاتتاردى اۋاعا شىعاراتىن 259,7 مىڭ كاسىپورىن جۇمىس ىستەگەن.
«اۋلاۋ جانە زالالسىزداندىرۋدان كەيىن اۋاعا لاستاۋشى زاتتاردىڭ شىعارىندىلارىنىڭ كولەمى 2,2 ملن توننانى قۇرادى, بۇل 2022 جىلمەن سالىستىرعاندا 2,5%-عا از. اتاپ وتەيىك, شىعارىندىلاردىڭ 88 پايىزىنىڭ كوزى ونەركاسىپ سەكتورى بولدى», دەپ حابارلادى ۇلتتىق ستاتيستيكا بيۋروسى.
ەڭ لاستانعان وڭىرلەر پاۆلودار (649,2 مىڭ توننا), قاراعاندى (454,9 مىڭ توننا), اتىراۋ (140 مىڭ توننا), قوستاناي (118 مىڭ توننا) جانە اقتوبە وبلىستارى (112 مىڭ توننا) بولدى.
اۋاعا بولىنەتىن بارلىق لاستاۋشى زاتتاردىڭ 80,7%-ى گاز جانە سۇيىق زاتتار, 19,3%-ى قاتتى زاتتار ەكەنى بەلگىلى بولدى.
