فوتو:inform.kz
ايتا كەتەيىك, ك.تورەگەلديەۆ الاياقتىق, پارا بەرۋگە يتەرمەلەۋ جانە نەمقۇرايدىلىق تانىتقانى, ال وزىقباەۆ پارا بەرۋگە وقتالعانى ءۇشىن كىنالى دەپ تانىلعان.
«تورەگەلديەۆ رمك-دا جۇرگىزىلىپ جاتقان اۋديتورلىق تەكسەرۋ جونىندەگى ماسەلەنىڭ شەشىمىن وڭ جاقتى ەتكەنى ءۇشىن لاۋازىمدى تۇلعالارعا پارا بەرۋ سىلتاۋىمەن وزىقباەۆتىڭ 500 مىڭ تەڭگە سوماسىنداعى اقشالاي قاراجاتىن الاياقتىق جولمەن يەمدەنگەنى انىقتالدى. سونداي-اق تورەگەلديەۆ ءوز مىندەتتەرىن تيىسىنشە ورىنداماۋ ناتيجەسىندە ورىندالعان جۇمىستاردىڭ اكتىلەرىنە ونى ناقتى ورىندالماي قول قويدى, سول ارقىلى مەملەكەتكە 2,2 ملن تەڭگە سوماعا زالال كەلتىردى», دەپ حابارلادى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى.
سوت تورەگەلديەۆتى ءۇش جىلعا باس بوستاندىعىنان ايىرۋعا, ال وزىقباەۆتى 7,5 ميلليون تەڭگە ايىپپۇل تولەۋگە ۇكىم شىعاردى. سونداي-اق ولار مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويى ايىرىلدى.
سوت ۇكىمى زاڭدى كۇشىنە ەنگەن جوق.
