فوتو: shymtour.com
قۇتقارۋشىلار ەكى كۇننەن بەرى سايرام-وگەم مەملەكەتتىك ۇلتتىق تابيعي پاركى اۋماعىنداعى سايرام-سۋ وزەنىنىڭ ارناسىندا ىزدەستىرۋ جۇمىستارىن جۇرگىزىپ ءجۇر.
ىزدەستىرۋ-قۇتقارۋ جۇمىستارىنا تۇركىستان وبلىسى توتەنشە جاعدايلار دەپارتامەنتىنەن 37 قىزمەتكەر, ءبىر قايىق پەن ءتورت بىرلىك تەحنيكا, تۇركىستان وبلىسى توتەنشە جاعدايلار دەپارتامەنتىنەن التى قىزمەتكەر مەن ءۇش بىرلىك تەحنيكا, جەرگىلىكتى اتقارۋشى ورگانداردان 11 قىزمەتكەر جۇمىلدىرىلدى.
تۇركىستان وبلىسى تجد جەدەل-ديسپەتچەرلىك قىزمەتىنىڭ باسقارۋ پۋلتىنە 28 شىلدە كۇنى ساعات 10:41-دە حابارلاما كەلىپ ءتۇستى.
وقيعا كۋاگەرلەرىنىڭ ايتۋىنشا, تۇركىستان وبلىسىنىڭ 16 جاستاعى تۇرعىنى سۋرەتكە تۇسپەك بولعان كەزدە تايىپ كەتىپ, تەڭگەرىمدە تۇرعان كەرتپەدەن قۇلاپ كەتكەن. قاتتى اعىس سالدارىنان تاستاردىڭ اراسىندا قالىپ, شىعا الماي قالعان.
ىزدەۋ جۇمىستارى جالعاسىپ جاتىر.
