شىمكەنتتەگى مۇز سارايى مەملەكەت مەنشىگىنە قايتارىلدى

بۇل سپورت سارايى وڭتۇستىك وڭىرلەردە قىسقى سپورت تۇرلەرىنەن دايىندايتىن جالعىز ورىن بولىپ سانالادى.

2017 جىلى شىمكەنت قالاسىنداعى «سپورت سارايى» جشس-نىڭ 67,09% ۇلەسى جەكەشەلەندىرىلىپ, قۇنى 1 ملرد تەڭگەگە, ياعني نارىقتىق قۇنىنان 8 ەسە از سوماعا ساتىلعانى انىقتالدى.

سونىمەن قاتار سپورت سارايىن ساتىپ العان ۇيىم جەكەشەلەندىرۋ راسىمىنە زاڭسىز جىبەرىلگەن. تەرگەۋ بارىسىندا  ۇيىم جارعىلىق قۇجاتتارعا سايكەس سپورت سالاسىنداعى قىزمەتتەرمەن اينالىسۋعا قۇقىعى جوق بولىپ شىققان. بۇل رەتتە ساتىپ الۋشى اۋكتسيونعا قاتىسۋشى رەتىندە تىركەلمەۋى ءتيىس ەدى.

«وبەكتىنى جەكەشەلەندىرۋ كەزىندە مەملەكەت مۇلكىن قوعام يگىلىگىنە ءتيىمدى پايدالانۋ قاعيداسىنا سايكەس باسقارۋدى مىندەتتەيتىن «مەملەكەتتىك م ۇلىك تۋرالى» زاڭنىڭ نورمالارى بۇزىلعان. سونداي-اق  5 جىل ىشىندە مەملەكەت سپورت سارايىنىڭ ءۇي-جايلارىن جالعا الۋعا 1 ملرد تەڭگەدەن استام قارجى جۇمساعان. شىمكەنت قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2024 جىلعى 27 مامىرداعى شەشىمىمەن جەكەشەلەندىرۋ ناتيجەلەرى جويىلدى», دەلىنگەن قالالىق پروكۋراتۋرا حابارلاماسىندا.

سوت شەشىمى زاڭدى كۇشىنە ەندى.